મોરબીના જેપુર ગામે આવેલ પ્રાથમિક શાળામાં જન્માષ્ટમી પર્વની ઉજવણી કરાઇ

મોરબીના જેપુર ગામે આવેલ પ્રાથમિક શાળામાં જન્માષ્ટમી પર્વની શનિવારે ઉત્સાહભેર, આનંદમય વાતાવરણમાં ઉજવણી કરવામાં આવી હતી. ત્યારે શાળા પરિવાર તથા વિદ્યાર્થીઓ દ્વારા ભગવાન શ્રીકૃષ્ણના જન્મોત્સવ નિમિત્તે વિવિધ રાસ-ગરબાનું આયોજન કરવામાં આવ્યું હતું, જેમાં વિદ્યાર્થીઓએ ઉત્સાહપૂર્વક ભાગ લઈ સમગ્ર વાતાવરણને કૃષ્ણમય બનાવી દીધું હતું. આ ઉપરાંત શાળામાં યોજાયેલા મટકી ફોડ કાર્યક્રમમાં બાળકોએ ઉત્સાહપૂર્વક ભાગ લીધો હતો. અને વિદ્યાર્થીઓના ઉમંગ અને આનંદથી કાર્યક્રમમાં અનોખી રોનક જોવા મળી હતી