અમેરીકા રહેતા ભાઈની રક્ષા માટે મોરબીમાં રક્ષાબંધને સદાવ્રતમાં કર્યું પ્રસાદનું આયોજન

મોરબીના જલારામ ધામ ખાતે દરરોજ બપોરે તથા સાંજે સદાવ્રત દ્વારા લોકોની જઠરાગ્નિ તૃપ્ત કરવામાં આવે છે ત્યારે મોરબીના લેઉઆ પાટીદાર સમાજના અગ્રણી સરદાર પટેલ પાટીદાર સમાજ-ટંકારાના સ્થાપક પ્રમુખ કે.પી.ભાગીયાની દીકરી ઉર્વશીબેન કીશનભાઈ ઠુમ્મર (રાજ બેંક) દ્વારા સાત સમુદ્ર પાર અમેરિકા રહેતા ભાઈ સુમિતભાઈની રક્ષા માટે મોરબી જલારામ ધામ ખાતે સદાવ્રતમાં મહાપ્રસાદ યોજાયો હતો આ તકે બહેને ભાઈને વિડીયો કોલ દ્વારા પૂ.જલારામ બાપાના દર્શન કરાવ્યા હતા. અને મંદિરે સુમિતભાઈના બહેન ઉર્વશીબેન, ભાણેજ તત્વકુમાર, માતા જયાબેન તથા પિતા કે.પી.ભાગીયા સહીતના ઉપસ્થિત રહ્યા હતા. આ પ્રેરક ઉજવણી બદલ મોરબી જલારામ ધામના સંચાલકો દ્વારા ભાગીયા પરિવારને બિરદાવવામાં આવેલ હતો. તેવી માહિતી જલારામ સેવા મંડળના પ્રમુખ નિર્મિત કક્કડ દ્વારા આપવામાં આવી હતી.