ટંકારાના હીરાપર નજીક આવેલ કારખાનાની ઓરડીમાંથી 2 પિસ્તોલ-11 કાર્ટિસ સાથે એક શખ્સની ધરપકડ

ટંકારાના હીરાપર ગામની સીમમાં આવેલ કારખાનાની સિક્યુરિટીની ઓરડીમાં રહેતા શખ્સ પાસે ગેરકાયદે હથિયાર હોવાની હકીકત મળી હતી જેથી સ્થાનિક પોલીસે ત્યાં રેડ કરી હતી ત્યારે સ્થળ ઉપરથી દેશી બનાવટની બે પિસ્તોલ અને 11 જીવતા કાર્ટિસ સાથે એક શખ્સ મળી આવ્યો હોય પોલીસે પિસ્તોલમ કાર્ટિસ અને મોબાઈલ મળી 47200 ની કિંમતનો મુદ્દામાલ કબજે કર્યો હતો અને ટંકારા તાલુકા પોલીસ સ્ટેશન ખાતે ગુનો નોંધી રાબેતા મુજબની કાર્યવાહી હાથ ધરી છે.

ટંકારા તાલુકા પોલીસની ટીમ પેટ્રોલિંગમાં હતી ત્યારે ટંકારાના હીરાપર ગામની સીમમાં આવેલ ફલોરીમ કારખાનાની સિક્યુરિટીની ઓરડીમાં રહેતા શખ્સ પાસે ગેરકાયદે હથિયાર હોવાની ચોક્કસ હકીકત મળી હતી જેના આધારે ટંકારા પોલીસ દ્વારા ત્યાં રેડ કરવામાં આવી હતી ત્યારે સ્થળ ઉપરથી રાજીવસિંહ રઘુરાજસિંહ રાજાવત (46) રહે. હાલ ફલોરીમ કારખાનાની સિક્યુરિટીની ઓરડીમાં હીરાપર ટંકારા મૂળ રહે. ઉત્તરપ્રદેશ વાળા પાસેથી બે દેશી હાથ બનાવટની મેગ્ઝીન વાળી પિસ્તોલ તેમજ 11 જીવતા કાર્ટિસ મળી આવ્યા હતા જેથી પોલીસે હથિયાર, કાર્ટિસ અને મોબાઈલ આમ કુલ મળીને 47,200 ની કિંમતનો મુદ્દામાલ કબજે કર્યો હતો અને આરોપીની ધરપકડ કરીને તેની સામે ટંકારા તાલુકા પોલીસ સ્ટેશન ખાતે આર્મ્સ એક્ટની જુદી જુદી કલમ હેઠળ ગુનો નોંધીને પોલીસે આગળની રાબેતા મુજબની કાર્યવાહી હાથ ધરી હતી