ટંકારાના મીતાણા પાસે આખલા સાથે બાઇક અથડાતાં સર્જાયેલ અકસ્માતમાં યુવાનનું મોત
Morbi Today
વાંકાનેરના દલડી ગામે બહેન સાથે વાસણ ધોવા બાબતે બોલાચાલી થતાં સગીરાએ કર્યો આપઘાત: મોરબીના ઘૂટું નજીક કારખાનાના કવાર્ટરમાં યુવાને ગળાફાંસો ખાધો
SHARE
JOIN OUR GROUP
વાંકાનેરના દલડી ગામે બહેન સાથે વાસણ ધોવા બાબતે બોલાચાલી થતાં સગીરાએ કર્યો આપઘાત: મોરબીના ઘૂટું નજીક કારખાનાના કવાર્ટરમાં યુવાને ગળાફાંસો ખાધો
વાંકાનેરના દલડી ગામની સીમમાં આવેલ કારખાનાના કવાર્ટરમાં રહેતા શ્રમિકની મોટી દીકરીને વાસણ ધોવા બાબતે નાની દીકરી સાથે બોલાચાલી થઈ હતી.જે બાબતે તેને લાગી આવતા સગીરાએ ગળાફાંસો ખાઈને આપઘાત કરી લીધો હતો જ્યારે મોરબીના ઘૂટું ગામની સીમમાં આવેલ કારખાનાના કવાર્ટરમાં રહેતા અને મજૂરી કામ કરતા શ્રમિકે કોઈ કારણોસર ગળાફાંસો ખાઈ લેતા તેનું મોત નીપજયું હતું જે બંને બનાવની સ્થાનિક પોલીસે નોંધ કરી આગળની કાર્યવાહી હાથ ધરી છે.
મૂળ એમપીના રહેવાસી અને હાલમાં વાંકાનેરના દલડી ગામની સીમમાં આવેલ કોલીટી મીનરલ્સના નામના કારખાનામાં રહેતા અને મજૂરી કામ કરતા સમરિયા જોગડીયાભાઈ નીનામા (41) ની 17 વર્ષની દીકરી શિવાનીબેન નીનામાએ પોતાની જાતે ઓરડીની અંદર દુપટ્ટા વડે ગળાફાંસો ખાઈ લીધો હતો જેથી તેનું મોત નીપજ્યું હતું.ત્યારબાદ તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવની મૃતક સગીરાના પિતાએ વાંકાનેર તાલુકા પોલીસ સ્ટેશન ખાતે જાણ કરી હતી.વધુમાં પોલીસ પાસેથી મળતી વિગત પ્રમાણે મૃતક શિવાનીબેનને તેની નાના બહેન સાથે વાસણ ધોવા બાબતે બોલાચાલી થઈ હતી જે બાબતે શિવાનીને માઠું લાગતા તેણે ગળાફાંસો ખાઈને આપઘાત કર્યો હોવાનું પ્રાથમિક તપાસમાં સામે આવ્યું છે જેની પોલીસે નોંધ કરી આગળની કાર્યવાહી હાથ કરી છે.
મોરબીના ઘુટુ ગામની સીમમાં આવેલ ઓરટોન બાથવેર એલએલપી નામના કારખાનામાં રહેતા અને મજૂરી કામ કરતા છોટુ બર્જલાલ મૌર્ય (21) નામના યુવાને પોતાના લેબર કવાર્ટરની અંદર કોઈપણ કારણોસર પ્લાસ્ટિકની દોરી વડે ગળાફાંસો ખાઈ લીધો હતો.જેથી તે યુવાનનું મોત નીપજ્યું હતું તેના મૃતદેહને પીએમ માટે મોરબીની સરકારી હોસ્પિટલ સાથે લઈને આવ્યા હતા અને આ બનાવની મોરબીના આલાપ રોડ ઉપર આવેલ અંજની પાર્ક સોસાયટીમાં રહેતા ધવલભાઇ રાંકજા (30) એ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે અને યુવાને ક્યાં કારણોસર અપઘાત કર્યો છે તે દિશામાં તપાસ શરૂ કરી છે.
