મોરબી પોસ્ટ ઓફિસને બોમ્બથી ઉડાવી દેવાની ધમકી, પોલીસ-ફાયરની ટીમ દોડી આવી
SHARE
JOIN OUR GROUP
મોરબી પોસ્ટ ઓફિસને બોમ્બથી ઉડાવી દેવાની ધમકી, પોલીસ-ફાયરની ટીમ દોડી આવી
મોરબી પોસ્ટ ઓફિસને બોમ્બથી ઉડાવી દેવાની ધમકી મળતા વિસ્તારમાં ચકચાર મચી ગઈ હતી.પાસપોર્ટ ઓફિસ તેમજ પોસ્ટ ઓફિસને ઇ-મેઈલ મારફતે બોમ્બથી ઉડાવી દેવાની ધમકી આપવામાં આવી હતી.
પોસ્ટ ઓફિસના કર્મચારીઓ તથા પાસપોર્ટ વિભાગના કર્મચારીઓને બોમથી ઉડાવી દેવાનો એક ઇમેલ સરકારને સવારે આઠેક વાગ્યાના અરસામાં મળ્યો હતો.જેમાં દર્શાવવામાં આવ્યું હતું કે બપોરના એક વાગ્યે બોમ ફૂટશે જેને પગલે પોસ્ટ ઓફિસ તથા પાસપોર્ટ ઓફિસોનું સઘન ચેકિંગ કરવામાં આવ્યું છે.જે અંગે મોરબીમાં પણ ચેકિંગ જોવા મળ્યું હતું.મોરબીની મુખ્ય પોસ્ટ ઓફિસને તાત્કાલિક ખાલી કરવામાં આવી હતી અને તાત્કાલિક એલસીબી, એસઓજી, ઉચ્ચ પોલિસ અધિકારીઓ તથા એ ડમિઝન પોલીસ સ્ટાફ સ્થળ ઉપર દોડી આવ્યો હતો.ફાયરની ટીમને પણ તાત્કાલિક સ્થળ ઉપર હાજર રાખવામાં આવી હતી।અને બોમ્બ સ્કવોડ કોડ દ્વારા મળેલા ઈમેલ મુજબ પોસ્ટ ઓફિસની અંદર કોઈ બોમ્બ છે કે કેમ ? તેનું સર્ચ કરવામાં આવ્યું હતું.
ઘટનાની જાણ થતા જ મોરબી પોલીસ તાત્કાલિક ઘટનાસ્થળે દોડી આવી હતી. સુરક્ષાના ભાગરૂપે પોસ્ટ ઓફિસ ખાલી કરાવવામાં આવી હતી અને ચેકિંગ હાથ ધરવામાં આવ્યું હતું.આ ઘટનાને પગલે એસઓજી, એલસીબી એ ડિવિઝન સહિતનો પોલીસ કાફલો તેમજ બોમ્બ સ્ક્વોડની ટીમ અને મહા પાલીકાની ફાયર વિભાગની ટીમ પણ ઘટનાસ્થળે પહોંચી તપાસ શરૂ કરી હતી.
