હળવદના મેરૂપર ગામે નવજાત બાળકને ત્યજી દેનારા માતા-પિતા સામે ગુનો નોંધાયો

હળવદના મેરૂપર ગામે ભવાની હાર્ડવેરની બાજુમાં આવેલ અવળા પાસે ગટરની બાજુમાં ઉકરડામાં કોઈ અજાણ્યા માતા-પિતાએ તાજુ કે કાચું જનમેલ શીશું ત્યજી દીધું હતું જેથી આ બનાવ સંદર્ભે હાલમાં હળવદ તાલુકા પોલીસ સ્ટેશન ખાતે અજાણ્યા માતા પિતા સામે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે

હળવદ તાલુકાના મેરૂપર ગામની સીમમાં આવેલ ભવાની હાર્ડવેર ની બાજુમાં અવળા પાસે ગટરની બાજુમાં આવેલા ઉકરડામાં તાજુ કે કાચું જન્મેલ નવજાત બાળક જીવિત અથવા મૃત હાલતમાં ત્યજી દેવામાં આવ્યું હોય તે રીતે મળી આવ્યું હતું જેથી આ બનાવની હળવદ તાલુકા પોલીસ સ્ટેશન ખાતે જાણ કરવામાં આવી હતી અને ત્યારબાદ મેરૂપર ગામે રહેતા રાજુભાઈ વશરામભાઈ ખેર (50) નામના આધેડની ફરિયાદ લઈને હાલમાં હળવદ તાલુકા પોલીસ સ્ટેશન ખાતે અજાણ્યા માતા-પિતા સામે ગુનો નોંધીને નવજાત બાળકને ત્યજી દેનાર માતા-પિતાને પકડવા માટે પોલીસ દ્વારા તજવીજ હાથ ધરવામાં આવી છે