મોરબીમાં પાટીદાર વુમન્સ પાવર ગ્રુપ દ્વારા અંગ્રેજી નવા વર્ષની રક્તદાન કેમ્પ યોજીને કરાઇ ઉજવણી
SHARE
JOIN OUR GROUP
મોરબીમાં પાટીદાર વુમન્સ પાવર ગ્રુપ દ્વારા અંગ્રેજી નવા વર્ષની રક્તદાન કેમ્પ યોજીને કરાઇ ઉજવણી
નવા વર્ષની ઉજવણી સૌ કોઈ ડાન્સ સહિતની પાર્ટી કે જમણવાર સહિતના મોટા ખર્ચાઓ કરીને કરતા હોય છે પરંતુ મોરબીના પાટીદાર વુમન્સ પાવર ગ્રુપ દ્વારા નવા વર્ષની ઉજવણી રક્તદાન કેમ્પનું આયોજન કરીને કરવામાં આવી છે જેમાં રક્ત્દાતાઓએ જાગૃતતા દર્શાવીને રક્તદાન કર્યું હતું પાટીદાર વુમન્સ પાવર ગ્રુપ દ્વારા નવા વષના પ્રથમ દિવસે રવાપર રોડ પર આવેલ નરસંગ ટેકરી મંદિર ખાતે મોરબી સિવિલ હોસ્પીટલના સહયોગથી રક્તદાન કેમ્પનું આયોજન કરવામાં આવ્યું હતું. આ કેમ્પમાં ૫૦ જેટલા રક્તદાતાઓએ રક્તદાન કર્યું હતું. જે રકતની બોટલો સિવિલ હોસ્પીટલમાં આવતા દર્દીઓ માટે ત્યાં આપવામાં આવેલ છે. આ તકે કૃણાલભાઈ કોટડીયાએ ૨૦ મી વધુ વખત રક્તદાન કર્યું હતું. આ રક્તદાન કેમ્પમાં સંસ્થાના કાજલબેન આદ્રોજા, સાધનાબેન ઘોડાસરા, ડો અંકિતા પટેલ, આશાબેન ભાલોડિયા, ક્રિષ્નાબેન પનારા, નીરૂબેન સરડવા, અલ્પાબેન કાસુન્દ્રા, રૂપલબેન પનારા, ચંદ્રાબેન કાબરા, હીનાબેન પટેલ, હર્ષાબેન પટેલ, ડો ખ્યાતિ પટેલ,શોભનાબેન કણસાગરા અને પૂજાબેન સરડવા સહિતના સભ્યોએ સહયોગ આપ્યો હતો
