માળીયા (મી)ના અંજીયાસર ગામે જાહેરમાં જુગાર રમતા ચાર શખ્સ ઝડપાયા
Morbi Today
મોરબીમાં ખેડૂત સાથે હનીટ્રેપના ગુનામાં પકડાયેલ 5 આરોપીના 3 દિવસના રિમાન્ડ મંજૂર, મહિલા સહિત 3 આરોપીઓને પકડવા તજવીજ
SHARE
JOIN OUR GROUP
મોરબીના ખેડૂતને હનીટ્રેપમાં ફસાવીને ફોટા વિડિયો વાયરલ કરવાની ધમકી આપીને 1.14 કરોડ માંગવામાં આવ્યા હતા ત્યાર બાદ ખેડૂત પાસેથી સોનાના ચાર બિસ્કીટ, રોકડા 1 લાખ તેમજ અઢી તોલાનો સોનાનો ચેન આમ કુલ મળીને 53.50 લાખનો મુદામાલ પડાવી લીધો હતોબજે ગુનામાં પોલીસે પાંચ આરોપીને પકડીને તેને રિમાન્ડ ની માંગણી સાથે કોર્ટમાં રજૂ કરતા કોર્ટે ત્રણ દિવસના રિમાન્ડ મંજૂર કર્યા છે.
મોરબીના રવાપર ગામે રહેતા ભરતભાઇ નામના ખેડૂતને મજૂરની જરૂર હતી. જેથી તેઓએ તેના ડ્રાઈવર પાંચાભાઇ કોળીને મજૂર માટેની વાત કરી હતી. ત્યાર બાદ તેના મારફતે ખુશી નામની મહિલાનો સંપર્ક થયો હતો. જો કે, તેની પાસે આધાર પુરાવા ન હોય ફરિયાદીએ તેને કામે રાખી ન હતી. ત્યાર બાદ ખુશી પટેલે ફોનથી ફરિયાદીનો સંપર્ક કર્યો હતો અને ફરિયાદી સાથે મોરબીના ઉમિયા સર્કલ પાસેથી ફરિયાદી તેને પોતાની વાડીએ વાડીએ લઈ ગયા હતા. દરમ્યાનમાં વાડીએ પહોંચીને તે મહિલાએ પોતાના કપડાં કાઢીને ફરિયાદીને બથ ભરી લીધી હતી. તેવામાં બીજા આરોપીઓ ત્યાં આવીને ફરિયાદીના મહિલા સાથે ફોટો વિડીયો પાડીને હનીટ્રેપમાં ફસાવીને બળાત્કાર તેમજ છેડતીના કેસમાં ફિટ કરી દેવાની ધમકી આપી હતી.
આ ગુનામાં પાંચ આરોપી પકડવા આવેલ છે તે બાબતે ડીવાયએસપી વિરલ દલવાડીની પત્રકાર પરિષદ યોજાઈ હતી જેમાં તેમણે જણાવ્યું હતું કે, ફરિયાદીએ આરોપીઓને સમયાંતરે 4 સોનાના બિસ્કીટ તેમજ અઢી તોલાનો સોનાનો ચેન, 1 લાખ રોકડા રૂપિયા આમ કુલ મળીને 53,50,000 નો મુદામાલ પડાવી લીધો હતો. જેથી મહિલા સહિત 8 સામે ગુનો નોંધાયો હતો જે ગુનામાં પોલીસે આરોપી જીલુભાઇ વિહાભાઈ પરસાડીયા, મુકેશભાઈ મફાભાઈ આલ, કરણભાઈ દેવરાજભાઈ વરુ, પાંચાભાઇ કાનજીભાઈ માણસુરીયા અને દેવાંગભાઈ હરજીભાઈ વેલાણીની ધરપકડ કરેલ હતી જેને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીઓના ત્રણ દિવસના રિમાન્ડ મંજૂર કર્યા છે. અને આ આરોપીઓ પાસેથી ચારેય સોનાના બિસ્કીટ, સોનાનો ચેન, ગુનામાં વપરાયેલ બે કાર, એક સ્કૂટર આમ કુલ મળીને 64 લાખથી વધુનો મુદામાલ કબ્જે કર્યો છે જોકે, એક લાખ રૂપિયા રોકડા તેમજ મહિલા સહિતના ત્રણ આરોપીઓને પકડવાના બાકી છે તેને પકડવા માટે ચાલુ છે
