મોરબીના લાભનગરમાં જાહેરમાં જુગાર રમતા 5 શખ્સો 10,200ની રોકડ સાથે ઝડપાયા
Morbi Today
વાંકાનેરના બોકડથંભા રોડ ઉપર ટ્રક ચાલકે ઓવરટેક કરતા સમયે બાઇકને હડફેટે લેતા ટ્રક નીચે કચડાઈ જવાથી વૃદ્ધનું મોત
SHARE
JOIN OUR GROUP
વાંકાનેરના બોકડથંભા રોડ ઉપર ટ્રક ચાલકે ઓવરટેક કરતા સમયે બાઇકને હડફેટે લેતા ટ્રક નીચે કચડાઈ જવાથી વૃદ્ધનું મોત
વાંકાનેરમાં બોકડથભાં રોડ ઉપરથી વૃદ્ધ બાઈક લઈને પસાર થઈ રહ્યા હતા ત્યારે ટ્રક ચાલકે ઓવરટેક કરવા જતા સમયે બાઇકને હડફેટે લીધું હતું જેથી અકસ્માત સર્જાયો હતો જે અકસ્માતમાં રસ્તા ઉપર નીચે પટકાયેલ વૃદ્ધ ટ્રકના પાછળના જોટામાં આવી જતા તેઓને માથામાં અને શરીરે ગંભીર ઇજા થઈ હતી જેથી કરીને તેનું મોત નીપજ્યું હતું અને આ બનાવ સંદર્ભે મૃતક વૃદ્ધના દીકરાએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે
વાંકાનેર તાલુકાના બોકડથંભા ગામે રહેતા જયેશભાઈ કાનજીભાઈ સરાવાડીયા (28) એ ટ્રક નંબર જીજે 12 બીવી 8468 ના ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે બોકડથંભા ગામના રોડ ઉપર થી તેઓના પિતા બાઈક નંબર જીજે 3 સિકે 62 92 લઈને પસાર થઈ રહ્યા હતા ત્યારે પાછળથી ટ્રક ચાલકે પોતાનો ટ્રક ઓવરટેક કરતા સમયે બાઈકમાં અથડાવ્યો હતો જેથી કરીને અકસ્માતનો બનાવ બન્યો હતો અને અકસ્માતના આ બનાવમાં ફરિયાદીના પિતા કાનજીભાઈ મેરૂભાઈ સરાવાડીયા (59) રહે બોકડથંભા વાળા ટ્રકના પાછળના જોટામાં આવી જતા તેઓને ગંભીર ઇજા થઈ હતી જેથી તેનું સ્થળ ઉપર જ મોત નિપજ્યું હતું અને અકસ્માત મૃત્યુના બનાવ સંદર્ભે યુવાને નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
