વાંકાનેર તાલુકામાં કારખાનાના ક્વાર્ટરમાંથી 29 બોટલ દારૂ-144 બીયરના ટીન સાથે એક આરોપી પકડાયો

વાંકાનેર તાલુકાનાં સરતાનપર રોડ પર આવેલ સિરામિક કારખાનાના લેબર ક્વાર્ટરમાં દારૂ હોવાની બાતમી મળી હતી જેના આધારે પોલીસે રેડ કરી હતી ત્યારે સ્થળ ઉપરથી દારૂની 29 બોટલ અને 144 બીયરના ટીન મળી આવ્યા હતા જેથી પોલીસે રૂપિયા 62,780 નો દારૂનો જથ્થો કબ્જે કરીને પોલીસે એક આરોપીને પકડીને આગળની કાર્યવાહી કરી હતી.

વાંકાનેર તાલુકા પોલીસની ટીમ પેટ્રોલિંગમાં હતી ત્યારે સરતાનપર ગામની સીમમાં આવેલ સિરામિક કારખાનાના લેબર ક્વાર્ટરમાં દારૂનો જથ્થો હોવાની બાતમી મળી હતી. જેના આધારે પોલીસે દારૂની રેડ કરી હતી ત્યારે ક્વાર્ટરમાંથી 29 બોટલ દારૂ અને 144 બીયરના ટીન મળી આવ્યા હતા જેથી કરીને પોલીસે દારૂ, બીયર અને મોબાઈલ મળીને કુલ 62,780 નો મુદામાલ કબ્જે કર્યો હતો અને આરોપી રાકેશ માનીકચંદ યાદવ રહે. કમાન્ડર કારખાનાની લેબર કોલોનીમાં વાંકાનેર મૂળ રહે. યુપી વાળાની ધરપકડ કરી હતી અને તેની પાસેથી દારૂનો જથ્થો આપનાર આરોપી પ્રવીણ શીવાભાઈ જોગરાજીયા અને તપાસમાં જેના નામ ખૂલે તેની સામે ગુનો નોંધીને પોલીસે આગળની કાર્યવાહી કરેલ છે.