મોરબી નવયુગ ગ્રુપ ઓફ એજ્યુકેશનના વિદ્યાર્થીઓની જિલ્લા કક્ષાના કલા ઉત્સવમાં ઊંચી ઉડાન
Morbi Today
માળિયા (મી)ના વીર વિદરકા નામના પાટિયા પાસે નેશનલ હાઈવે ઉપર વાહનો આડ મૂકીને જનતા રેડ: દારૂ ભરે સ્કોર્પિયો સાથે એક શખ્સને દબોચ્યો
SHARE
JOIN OUR GROUP
માળિયા (મી)ના વીર વિદરકા નામના પાટિયા પાસે નેશનલ હાઈવે ઉપર વાહનો આડ મૂકીને જનતા રેડ: દારૂ ભરે સ્કોર્પિયો સાથે એક શખ્સને દબોચ્યો
મોરબી માળિયા હાઇવે રોડ ઉપર આવેલ વીર વિદરકા ગામ પાસેથી સ્કોર્પિયો ગાડી પસાર થઈ રહે હતી જેને રોકવા માટે થઈને લોકોએ નેશનલ હાઈવે ઉપર આડા વાહનો ઊભા રાખ્યા હતા અને ત્યારબાદ સ્કોર્પિયો ગાડી રોકવામાં આવી હતી અને તેને ચેક કરી હતી ત્યારે જનતા રેડ દરમિયાન તે સ્કોર્પિયો ગાડીમાંથી મોટા પ્રમાણમાં દેશી દારૂનો જથ્થો મળી આવ્યો હતો જેથી કરીને આ અંગેની તાત્કાલિક સ્થળ ઉપર હાજર રહેલા લોકો દ્વારા માળિયા તાલુકા પોલીસ સ્ટેશન ખાતે જાણ કરવામાં આવી હતી જોકે માત્ર સાત કિલોમીટર જેટલું અંતર લગભગ પોણા કલાકે કાપીને માળિયા તાલુકા પોલીસ ત્યાં ઘટના સ્થળે પહોંચી હતી અને ત્યારબાદ પોલીસે આગળની કાર્યવાહી હાથ ધરી હતી.
સમગ્ર ગુજરાતની અંદર દારૂબંધી હોવા છતાં પણ દારૂની બેફામ રીતે હેરાફેરી થતી હોય છે તેમાં શંકાને કોઈ સ્થાન નથી તેવામાં છેલ્લા ઘણા સમયથી સમગ્ર ગુજરાતની અંદર દારૂ અને નશાકારક દ્રવ્યોનું જે વેચાણ થાય છે તેને બંધ કરાવવા માટે થઈને જન આંદોલનો થઈ રહ્યા છે તેમજ જુદી જુદી જગ્યાઓ પર જનતા રેડ થઈ રહી છે તેવા સમયે જો મોરબી જિલ્લાની વાત કરીએ તો મોરબી માળિયા હાઇવે રોડ ઉપર આવેલ વીર વિદરકા ગામના પાટીયા પાસેથી દારૂ ભરેલું વાહન પસાર થવાનું છે તે પ્રકારની સ્થાનિક લોકોને માહિતી મળી હતી જેના આધારે લોકોએ વાહનો નેશનલ હાઈવે રોડ ઉપર આડા ઊભા રાખીને સ્કોર્પિયો ગાડીને રોકાવી હતી અને ત્યારબાદ તે ગાડીને ચેક કરવામાં આવતા તેમાંથી લગભગ 400 થી 500 લીટર જેટલો દેશી દારૂનો જથ્થો મળી આવ્યો હતો. જેથી કરીને સ્કોર્પિયો ગાડી સાથે એક શખ્સને સ્થાનિક લોકો દ્વારા દબોચી લેવામાં આવ્યો હતો જો કે, ગાડીમાં બેઠેલા શાખાઓમાંથી કેટલાક નાસી ગયા હતા તેવું જનતા રેડ કરનારા લોકો કહી રહ્યા છે. અને જનતા રેડ બાદ ત્યાં હાજર લોકોમાંથી માળિયા તાલુકા પોલીસ સ્ટેશન ખાતે તાત્કાલિક જાણ કરવામાં આવી હતી ત્યારબાદ માત્ર સાત કિલોમીટરના અંતર કાપીને માળિયા તાલુકા પોલીસ લગભગ પોણા કલાકે ત્યાં પહોંચી હતી તેવું સ્થળ ઉપર હાજર રહેલા લોકો પાસેથી જાણવા મળ્યું છે. ત્યારે સવાલ એ ઉભો થાય છે કે જનતા રેડ કરીને દારૂની હેરાફેરી કરતી ગાડીઓ જો સામાન્ય લોકો પકડતા હોય તો પોલીસ શું કામ કરે છે.
