મોરબીમાંથી 80 હજારનો દારૂ ભરેલ ગાડી ઝડપાઈ, 5.80 લાખનો મુદામાલ કબજે: આરોપીની શોધખોળ
SHARE
JOIN OUR GROUP
મોરબીમાંથી 80 હજારનો દારૂ ભરેલ ગાડી ઝડપાઈ, 5.80 લાખનો મુદામાલ કબજે: આરોપીની શોધખોળ
મોરબીના લાતી પ્લોટ શેરી નં 2 માં નકુમ એન્જિનિયરિંગ વર્કના ડેલા ની સામેના ભાગમાં સ્વિફ્ટ ગાડી પડી હતી જેને પોલીસ દ્વારા ચેક કરવામાં આવતા તેમાંથી 400 લિટર દેશી દારૂનો જથ્થો મળી આવતા 80,000 ની કિંમતનો દારૂ તથા 5 લાખ રૂપિયાની કિંમતની ગાડી આમ કુલ મળીને 5.80 લાખ રૂપિયાની કિંમતનો મુદ્દામાલ કબજે કર્યો હતો જોકે, રેડ કરવામાં આવી હતી ત્યારે ગાડીનો ચાલક ત્યાં હાજર ન હોય કાર ચાલક અને તપાસમાં જેના નામ ખુલે તેની સામે ગુનો નોંધીને પોલીસે આરોપીઓને પકડવા માટે તજવીજ શરૂ કરેલ છે.
મોરબી જિલ્લા પેરોલફર્લોની ટીમ પેટ્રોલિંગમાં હતી ત્યારે મોરબીના લાતી પ્લોટ શેરી નં 2 માં આર.આર. ગેસ તથા શ્રીજી ગેસ એજન્સી વાડી શેરીમાં નકુમ એન્જિનિયરિંગ વર્ક ડેલાની સામેની શેરીમાં સ્વિફ્ટ ગાડી નંબર જીજે 27 ઇબી 3460 ઊભી હતી જે ગાડીને ચેક કરવામાં આવતા તેમાંથી 400 લીટર દેશી દારૂનો જથ્થો મળી આવતા 80,000 રૂપિયાની કિંમતનો દારૂ તથા 5 લાખની ગાડી આમ કુલ મળીને 5.80 લાખ રૂપિયાની કિંમતનો મુદ્દામાલ પોલીસ દ્વારા કબજે કરવામાં આવ્યો હતો અને આરોપી સ્થળ ઉપર તેની ગાડી મૂકીને નાસી ગયેલ હોય હાલમાં કાર ચાલક તથા તપાસમાં જેના નામ ખુલે તેની સામે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે.
150 લિટર દેશી દારૂ ઝડપાયો
માળીયા મીયાણામાં રેલવે સ્ટેશન જવાના રસ્તે રહેતા હસીનાબેન હનીફભાઈ મોવરના મકાન બહાર આવેલ છાપરામાં દારૂની રેડ કરવામાં આવી હતી ત્યારે ત્યાં સ્થળ ઉપરથી દોઢસો લીટર દેશી દારૂનો જથ્થો મળી આવતા પોલીસે 30,000 ની કિંમતનો દારૂનો જથ્થો કબજે કર્યો હતો અને દારૂની રેડ કરવામાં આવી હતી ત્યારે આરોપી હાજર ન હોય હાલમાં માળિયા તાલુકા પોલીસ સ્ટેશન ખાતે હસીનાબેન હનીફભાઈ મોવર રહે. રેલવે સ્ટેશન જવાના રસ્તે માળિયા મીયાણા વાળાની સામે ગુનો નોંધીને પોલીસે આરોપીને પકડવા માટે તજવીજ શરૂ કરેલ છે
