મોરબી જિલ્લાના અનુ.જાતિ સમાજના વિદ્યાર્થીઓને શૈક્ષણિક સહાય અપાશે
Morbi Today
મોરબીની મેમણ શેરીમાં ઘરમાંથી 2 કિલો 230 ગ્રામ ગાંજાના જથ્થા સાથે એકની ધરપકડ, એકની શોધખોળ
SHARE
JOIN OUR GROUP
મોરબીની મેમણ શેરીમાં ઘરમાંથી 2 કિલો 230 ગ્રામ ગાંજાના જથ્થા સાથે એકની ધરપકડ, એકની શોધખોળ
મોરબીના કુબેરનાથ મેઇન રોડ ઉપર આવેલ મેમણ શેરીમાં રહેતા શખ્સના ઘરની અંદર ગાંજાનો જથ્થો હોવા અંગેની એ ડિવિજન પોલીસની ટીમને હકીકત મળી હતી જેના આધારે પોલીસે ત્યાં રેડ કરી હતી. ત્યારે સ્થળ ઉપરથી 2 કિલો 230 ગ્રામ ગાંજાનો જથ્થો મળી આવતા પોલીસે ગાંજો, મોબાઈલ ફોન તથા ઈલેક્ટ્રીક વજન કાંટો વગેરે મળીને 11,790 ની કિંમતમાં મુદ્દા માલ કબજે કર્યો છે અને હાલમાં એક આરોપીની ધરપકડ કરેલ છે અને વધુ એક શખ્સ નું નામ સામે આવ્યું હોય બે શખ્સ સામે એનડીપીએસ એક્ટ મુજબ ગુનો નોંધીને બીજા આરોપીને પકડવા માટે તજવીડ શરૂ કરેલ છે.
મોરબી એ ડિવિજન પોલીસની ટીમ પેટ્રોલિંગમાં હતી ત્યારે મોરબીના કુબેરનાથ મેઇન રોડ ઉપર આવેલ મેમણ શેરીમાં રહેતા આરીફ કચ્છીના મકાનમાં ગાંજાનો જથ્થો હોવાની હકીકત મળી હતી જેના આધારે પોલીસે ત્યાં રેડ કરી હતી ત્યારે ઘરમાંથી 2 કિલો 230 ગ્રામ ગાંજાનો જથ્થો મળી આવતા 6,690 ની કિંમતનો ગાંજાનો જથ્થો તથા 5,000 રૂપિયાની કિંમત મોબાઈલ ફોન તેમજ ઈલેક્ટ્રીક વજન કાંટો સહિતની વસ્તુઓ ત્યાંથી કબજે કરવામાં આવી હતી અને કુલ 11,790 ની કિંમતનો મુદ્દામાલ કબજે કરીને આરોપી આરીફ યાકુબભાઈ કચ્છી (35) રહે. મેમણ શેરી કુબેરનાથ રોડ મોરબી વાળાની ધરપકડ કરી હતી અને તેની પ્રાથમિક પૂછપર દરમિયાન તેણે આ ગાંજાનો જથ્થો અબ્બાસ મોવર રહે. સુરેન્દ્રનગર વાળા પાસેથી મેળવ્યો હોવાનું સામે આવ્યું હતું જેથી કરીને આ બંને શખ્સની સામે એનડીપીએસ એક્ટની કલમ હેઠળ મોરબી એ ડિવિજન પોલીસ સ્ટેશન ખાતે ગુનો નોંધીને પોલીસે બીજા આરોપીને પકડવા માટે તજવીજ શરૂ કરેલ છે આ કામગીરી મોરબી એ ડિવિજન પોલીસ સ્ટેશનના પીઆઇ આર. એસ. પટેલની સુચના મુજબ સ્ટાફ દ્વારા કરવામાં આવી હતી
