મોરબીમા ફાયબર ઓપ્ટિક કેબલ કપાતા ઓનલાઇન કામગીરી ઠપ્પ, લોકો હેરાન
SHARE
JOIN OUR GROUP
મોરબીમા ફાયબર ઓપ્ટિક કેબલ કપાતા ઓનલાઇન કામગીરી ઠપ્પ, લોકો હેરાન
મોરબીની એલઈ કોલેજ પાસે રોડ બનાવવાની કામગીરી ચાલુ હોય તે દરમિયાન બીએસએનએલની ફાયબર ઓપ્ટિક કેબલ તુટી જતા ગઇકાલના બપોરે એકાદ વાગ્યા બાદ મોરબીની તમામ સરકારી કચેરી, પોલીસ સ્ટેશનોમાં ઓનલાઇન કામગીરી ઠપ્પ થઇ ગઇ હતી. કનેક્ટિવિટી ખોરવાતા સરકારી કચેરીઓમાં કામ માટે આવેલ લોકોએ હાલાકી ભોગવવી પડી હતી.
મોરબી તાલુકા સેવા સદનના જનસેવા કેન્દ્રમાં સર્વર ડાઉન થઈ ગયા બાદ કનેક્ટિવિટી ખોરવાઈ જતા જી-સ્વાન ટિમ ફોલ્ટ શોધવા ઊંધે માથે થઇ હતી.બાદમાં માલુમ પડયુ કે એલ.ઈ.કોલેજ રોડ ઉપર પાલિકા દ્વારા રસ્તાની કામગીરી માટે ખોદકામ શરૂ કરાતા ત્યાં ફાયબર ઓપ્ટિક કેબલ તૂટી જવાનું ધ્યાને આવતા જી-સ્વાન ટિમ દ્વારા બીએસએનએલને જાણ કરાકા રીપેરીંગ શરૂ કરવામાં આવ્યું છે.તાલુકા સેવા સદન, મામલતદાર કચેરી, તમામ પોલીસ મથકોનું ઇન્ટરનેટ નેટવર્ક ખોરવાઈ જતા તમામ ઓનલાઇન કામગીરી ઠપ્પ થઈ ગઇ હતી.જેને પગલે લોકોએ હાલાકી ભોગવવી પડી હતી.
નોંધનીય છે કે તારીખ ૨૫-૬ થી ૫-૭ સુધી આરટીઇના ફોર્મ ભરવાની તારીખો છે અને તેના માટે જુદા જુદા દાખલાઓ લેવા માટે લોકો લાઈનમાં લાગ્યા હતા દરમિયાનમાં ઉપરોકત ફોલ્ટ સર્જાતાં આજના દિવસ કામ થઈ શકયું ન હતું અને બીજા દિવસે શનિ-રવિની રજા આવતી હોય ત્રણ દિવસ સુધી લોકોએ દાખલો મેળવવા માટે હેરાન થવું પડ્યું હતું.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
