મોરબીના અમરનગર ગામે ભાઈ સાથે થયેલ બોલાચાલીનો ખાર રાખી યુવાન સહિત બે વ્યક્તિ ઉપર ચાર શખ્સનો હુમલો: છરીનો ઘા ઝીકયો

મોરબીના અમરનગર ગામે યુવાનના ભાઈ સાથે અગાઉ થયેલ બોલાચાલીનો ખાર રાખીને યુવાનને ગાળો આપી ઢીકાપાટુનો માર માર્યો હતો તથા અન્ય ત્રણ શખ્સો દ્વારા યુવાન તથા સાહેદને ગાળો આપીને ઢીકાપાટુનો માર મારવામાં આવ્યો હતો અને એક શખ્સે છરી વડે હુમલો કરીને સાહેદને ઇજા કરી હતી તેમજ હુમલો કરનારા શખ્સોએ જાનથી મારી નાખવાની ધમકી આપી હતી જેથી ભોગ બનેલ બંને વ્યક્તિઓને સારવારમાં ખસેડવા આવ્યા હતા અને ત્યારબાદ યુવાને નોંધાવેલ ફરિયાદ આધારે તાલુકા પોલીસ સ્ટેશન ખાતે ચાર શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે

જાણવા મળતી માહિતી મુજબ મોરબીના શક્તિનગર ગામે રહેતા ચિરાગભાઈ ઘેલાભાઈ મર્યા (23) એ વિશાલભાઈ ધારાભાઈ ભૂંભરિયા, ધર્મેન્દ્રસિંહ મનુભા ઝાલા, મનદીપસિંહ મહાવીરસિંહ ઝાલા અને ધર્મરાજ ઉર્ફે ભાણો રહે. બધા અમરનગર વાળા સામે ફરિયાદ નોંધાવેલ છે જેમાં જણાવ્યુ છે કે, ફરિયાદીના ભાઈ સાથે અગાઉ વિશાલ ભુંભરીયાને બોલાચાલી થયેલ હતી જે બાબતનો ખાર રાખીને તેણે ફરિયાદીને ગાળો આપીને ઢીકાપાટુનો મારમાર્યો હતો. અને બાકીના ત્રણેય આરોપીઓએ ફરિયાદી તથા સાહેદને ગાળો આપીને ઢીકાપાટુનો મારમાર્યો હતો ત્યારે ધર્મરાજ પાસે રહેલ છરી વડે તેણે સાહેદ ભુપતભાઈને ઇજા કરી હતી અને ચારેય શખ્સોએ યુવાનને જાનથી મારી નાખવાની ધમકી આપી હતી જેથી ભોગ બનેલ યુવાને સારવાર લીધા બાદ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે અને આ અંગેની આગળની વધુ તપાસ ફિરોજભાઈ સુમરા ચલાવી રહ્યા છે

કેફી પ્રવાહી ભરેલ બોટલ સાથે એક પકડાયો

વાંકાનેર સીટી પોલીસ દ્વારા સ્કોર્પિઓ ગાડી નંબર જીજે 2 ઇજી 303 ના ચાલકને રોકીને ચેક કરવામાં આવતા ગાડીમાં જઈ રહેલા વ્યક્તિ પાસે પ્લાસ્ટિકની બોટલમાં એક લીટર કેફી પ્રવાહી ભરેલ મળી આવ્યું હતું જેથી 500 ની કિંમતનું કેફી પ્રવાહી તથા 8 લાખ રૂપિયાની કિંમતની ગાડી એમ કુલ મળી 8,00,500 ની કિંમતના મુદ્દામાલ સાથે કુલદીપસિંહ ઉર્ફે ઓમદેવસિંહ દિલીપસિંહ જાડેજા (38) રહે. મયુર સોસાયટી ત્રાજપર ચાર રસ્તા પાસે મોરબી વાળાની ધરપકડ કરી હતી અને તેની સામે વાંકાનેર સિટી પોલીસ સ્ટેશન ખાતે ગુનો નોંધાયો છે