મોરબીમાં તાંત્રિક વિધિ કરતા હોવાની શંકા રાખીને વૃદ્ધને બે પાડોશીએ મારમાર્યો, જાનથી મારી નાખવાની ધમકી
SHARE
JOIN OUR GROUP
મોરબીમાં તાંત્રિક વિધિ કરતા હોવાની શંકા રાખીને વૃદ્ધને બે પાડોશીએ મારમાર્યો, જાનથી મારી નાખવાની ધમકી
મોરબીની માળિયા વનાળિયા સોસાયટીમાં સરકારી સ્કૂલની બાજુમાં રહેતા વૃદ્ધ સવારમાં નિત્યક્રમ મુજબ ચાલવા માટે જતા હતા ત્યારે પાડોશમાં રહેતા બે વ્યક્તિ દ્વારા વૃદ્ધ તાંત્રિક વિધિ કરતા હોવાની શંકા રાખીને તેને ગાળો આપીને લાકડીઓ વડે માર મારીને જાનથી મારી નાખવાની ધમકી આપવામાં આવી છે. જેથી ભોગ બનેલ વૃદ્ધ દ્વારા સારવાર લીધા બાદ બે શખ્સની સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે.
જાણવા મળતી માહિતી મુજબ મોરબીમાં આવેલ માળીયા વનાળિયા સોસાયટીમાં સરકારી સ્કૂલની બાજુમાં રહેતા રામજીભાઈ વશરામભાઈ આંબલીયા (75)એ હાલમાં ભલાભાઇ માલાભાઈ આંબલીયા અને કમલેશભાઈ ભલાભાઇ આંબલીયા રહે. બંને માળિયા વનાળીયા સોસાયટી સરકારી સ્કૂલની બાજુમાં મોરબી વાળા સામે ફરિયાદ નોંધાવેલ છે જેમાં તેને જણાવ્યુ છે કે, તેઓ પોતાના નિત્યક્રમ મુજબ વહેલી સવારે 6:00 વાગ્યાના અરસામાં ચાલવા માટે જઈ રહ્યા હતા ત્યારે તેઓની પાડોશમાં રહેતા આરોપીઓ દ્વારા ફરિયાદી ઉપર પોતાના ઘરમાં તાંત્રિક વિધિ કરતાં હોવાની શંકા રાખીને તેઓને ગાળો આપીને લાકડી વડે માર માર્યો હતો અને જાનથી મારી નાખવાની ધમકી આપવામાં આવી હતી જેથી ભોગ બનેલા વૃદ્ધને સારવાર માટે લઈ ગયા હતા અને ત્યારબાદ વૃદ્ધે નોંધાવેલ ફરિયાદ આધારે પોલીસે બે શખ્સોની સામે ગુનો નોધીને આરોપીઓને પકડવા માટે તજવીજ શરૂ કરેલ છે
બે બોટલ દારૂ
મોરબીમાં એ ડિવિઝન પોલીસ સ્ટેશન સામે આવેલ કબીર ટેકરી મેઇન રોડ ઉપર વોંકળાના કાંટા પાસેથી પસાર થઈ રહેલા શખ્સને રોકીને પોલીસે ચેક કર્યો હતો ત્યારે તેની પાસેથી દારૂની બે બોટલ મળી આવતા પોલીસે 600 રૂપિયાની કિંમતનો દારૂનો જથ્થો કબજે કર્યો હતો અને આરોપી મહેશભાઈ ઝવેરભાઈ લખવાણી (30) રહે. વાવડી રોડ રાધા પાર્ક સોસાયટી હનુમાનજી મંદિર પાસે મોરબી વાળાની ધરપકડ કરી હતી અને તેની સામે એ પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે.
