માળીયા (મી)ના ચીખલી ગામે એસએમસીની રેડ: 750 લિટર, 35 બોક્ષ લાટા સહિત 4.12 લાખનો મુદ્દામાલ કબજે, આરોપીઓની શોધખોળ રાજ્યમંત્રી કાંતિભાઈ અમૃતિયાના નિવાસ્થાને મોરબીમાં નુતન વર્ષનું સ્નેહમિલન અને સન્માન સમારોહ યોજાયો સરકારે પ્રત્યુતર ન આપતા કર્યો ખેડૂતોએ હુંકાર: મોરબીના જેતપર ગામે 10 જાન્યુઆરી 2027ના રોજ યોજાશે કિસાન અધિકાર મહાપંચાયત  છત્રપતિ શાહુજી મહારાજ પ્રોત્સાહક ઇનામ યોજના: મોરબી જિલ્લાના ૯ તેજસ્વી તારલાઓને ૧.૦૫ લાખની આર્થિક સહાય અપાઈ મોરબી ખાતે આઈ.ટી.આઈ.નો પાંચમો કૌશલ દીક્ષાંત સમારોહ યોજાયો મોરબી જિલ્લાના ગ્રામ્ય વિસ્તારમાં વિશ્વ શૌચાલય દિવસની ઉજવણી મોરબી શહેર, તાલુકા અને વાંકાનેર તાલુકામાં અપમૃત્યુના 3 બનાવમાં 3 યુવાનોના મોત હળવદના કોયબા ગામે થ્રેસરનું સેટિંગ કરતા માથું ટ્રેક્ટરની પેટી-ટોપલીગ વચ્ચે ફસાઈ જતા યુવાનનું મોત
Breaking news
Morbi Today

સોડા બોટલની આડમાં દારૂની હેરફેરી !: વાંકાનેર બાઉન્ટ્રી નજીકથી 4,896 બોટલ દારૂ-11,436 બીયર ભરેલ ટ્રક સાથે બે શખ્સ પકડાયા


SHARE







































સોડા બોટલની આડમાં દારૂની હેરફેરી !: વાંકાનેર બાઉન્ટ્રી નજીકથી 4,896 બોટલ દારૂ-11,436 બીયર ભરેલ ટ્રક સાથે બે શખ્સ પકડાયા

અમદાવાદ રાજકોટ હાઇવે રોડ વાંકાનેર બાઉન્ટ્રી ટોલનાકા પાસે રોડ ઉપરથી ટ્રક પસાર થઈ રહ્યો હતો જેને રોકીને એલસીબીની ટીમે ચેક કર્યો હતો ત્યારે તે ટ્રકમાં સોડા બોટલોની આડમાં છુપાવીને દારૂ લઈ જતાં હોવાની માહિતી સામે આવેલ છે જેથી કરીને પોલીસે 4896 બોટલ દારૂ અને 11436 બિયરના ટીન કબ્જે કર્યા છે આમ કુલ મળીને 61.01 લાખનો દારૂ બીયર તેમજ વાહન સહિત કુલ મળીને 88.11 લાખનો મુદામાલ કબ્જે કરેલ છે. અને બે આરોપીઓને પકડીને વાંકનેર તાલુકા પોલીસ સ્ટેશન ખાતે ગુનો નોંધાયો છે.

મોરબી જિલ્લા એલસીબીના પીઆઇ એમ પી.પંડયાની સૂચના મુજબ સ્ટાફ કામ કરી રહ્યો છે તેવામાં પીઆઇ એમ.પી.પંડયાને ખાનગી બાતમી હકિકત મળેલ હતી કે, અમદાવાદ તરફથી એક બંધ બોડીની ટ્રક નં, યુપી 21 બીએન 8121 રાજકોટ તરફ જય રહ્યો છે અને તે ટ્રકમાં દારૂનો જથ્થો ભરેલ છે જેથી કરીને સચોટ હકિકત આધારે ટ્રકની વોચ રાખવામા આવી હતી ત્યારે મળેલ બાતમી મુજબનો ટ્રક નીકળતા તેને એલસીબીની ટીમે રોકીને કોર્ડન કર્યો હતો અને તેને ચેક કરવામાં આવતા તે ટ્રકમાં સોડા બોટલોની આડમાં છુપાવીને દારૂ લઈ જતાં હોવાનું સામે આવ્યું હતું.

હાલમાં પોલીસે દારૂની જુદીજુદી બ્રાન્ડની 4896 બોટલ અને 11436 બિયરના ટીન જેની કુલ કિંમત 61.01 લાખ અને વાહનની કિંમત 25 લાખ, 700 બોક્સ કોલડ્રીંક્સ જેની કિંમત 2 લાખ, 2 મોબાઈલ સહિત કુલ મળીને 88.11 લાખનો મુદામાલ કબ્જે કરેલ છે. અને આરોપી નૌસાદ આબીદભાઇ તુર્ક (50) રહે. હિસામપુર તાલુકો બિલારી જિલ્લો મુરાદાબાદ યુ.પી. અને કુંવરપાલ મહેશભાઈ યાદવ (34) રહે. નગલા નસ્સુ તાલુકો થાણા બિલારી જીલ્લો મુરાદાબાદ યુપી વાળની ધરપકડ કરી છે 

આ શખ્સો પાસેથી માલ મોકલનાર ભાઈ જાન નામના શખ્સનું નામ સામે આવ્યું છે અને માલ મંગાવનાર તથા તપાસમાં ખુલે તેની સામે વાંકનેર તાલુકા પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે. વધુમાં અધિકારી જણાવ્યુ હતું કે, આરોપીઓએ દ્વારા ટ્રકમાં સોડાની બોટલ કે અન્ય ચીજ વસ્તુઓ ભરી તેની ખોટી બિલ્ટી બનાવી તેનો ખરા તરીકે ઉપયોગ કરી તેની આડમાં દારૂ-બિયરનો જથ્થો ભરી તમામ રાજયની બોર્ડર ઉપર ખોટી બિલ્ટી બતાવી દારૂ-બિયરની હેરાફેરી કરીને પંજાબ રાજ્યમાંથી ગુજરાતમાં દારૂ બીયર લઈને આવે છે. 














Latest News