મોરબીના લાલપર પાસે ડિવાઇડર કૂદીને ઇકો ગાડી સર્વિસ રોડ ઉપર બાઈક સાથે અથડાતાં આધેડને પેટની હોજરી અને પગમાં ગંભીર ઇજા
SHARE
JOIN OUR GROUP
મોરબીના લાલપર પાસે ડિવાઇડર કૂદીને ઇકો ગાડી સર્વિસ રોડ ઉપર બાઈક સાથે અથડાતાં આધેડને પેટની હોજરી અને પગમાં ગંભીર ઇજા
મોરબીના લાલપર ગામ પાસેથી બાઈક લઈને આધેડ પસાર થઈ રહ્યા હતા દરમિયાન વાંકાનેર બાજુથી મોરબી તરફ આવી રહેલ ઇકો ગાડીના ચાલકે વાહનના સ્ટેરીંગ ઉપરથી કાબુ ગુમાવતા ઈકો ગાડી ડિવાઇડર કૂદીને સર્વિસ રોડ ઉપર આવી ગઈ હતી અને બાઈકને હડફેટે લીધું હતું જેથી અકસ્માત થયો હતો અને તે બનાવમાં આધેડને પેટની હોજરી, ડાબા પગના જોઈન્ટ અને શરીરે ગંભીર ઇજાઓ થયેલ હતી જેથી તેને સારવાર માટે હોસ્પિટલે લઈ ગયા હતા અને આ બનાવ સંદર્ભે ઇજાગ્રસ્ત આધેડના ભત્રીજાએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
ભીલવાડા જિલ્લાના શાહપુર તાલુકાના નવી અરણી ગામે રહેતા દિનેશ રામકિશન છછીયાર (28)એ ઇકો ગાડી નંબર જીજે 3 એચઆર 4852 ના ચાલકની સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યુ છે કે, મોરબી વાંકાનેર હાઇવે રોડ ઉપર લાલપર ગામ પાસે પાવર હાઉસ નજીક સોલો સિરામિક સામે સર્વિસ રોડ ઉપરથી તેઓના કાકા મહાદેવભાઈ હીરાભાઈ ગુર્જર તેનું બાઇક નંબર આરજે 51 એસએલ 0695 લઈને પસાર થઈ રહ્યા હતા અને લાલપરથી રફાળેશ્વર ગામ તરફ જવાના સર્વિસ રોડ ઉપરથી તેઓ જતા હતા ત્યારે સોલો સીરામીક પાસે ઇકો ગાડીના ચાલકે બેફિકરાઈથી પોતાની ગાડી ચલાવી હતી અને વાંકાનેરથી મોરબી તરફ આવી રહેલ ઇકો ગાડીના ચાલકે ડિવાઈડર કૂદીને સર્વિસ રોડ ઉપર તેની ઇકો ગાડી લઈ આવી હતી અને ફરિયાદીના કાકાના બાઈકની સાથે અથડાવી હતી જેથી અકસ્માત થયો હતો જે બનાવમાં ફરિયાદીના કાકા મહાદેવભાઈને ડાબા પગના જોઈન્ટમાં ફ્રેક્ચરમ પેટની પેટની હોજરીમાં ઈજા અને શરીરે ઇજા થયેલ હતી જેથી તેને સારવાર માટે હોસ્પિટલે ખસેડવામાં આવ્યા છે અને આ બનાવ સંદર્ભે હાલમાં યુવાને નોંધાવેલ ફરિયાદ આધારે પોલીસે ગુનો નોંધે આરોપીને પકડવા માટે તજવીજ શરૂ કરેલ છે
વરલી જુગારની બે રેડ
વાંકાનેર તાલુકાના સરતાનપર રોડ ઉપર સાયન્ટિફિક કારખાના પાછળ જાહેરમાં વરલી જુગારના આંકડા લેવામાં આવતા હતા ત્યાં પોલીસે જુગારની રેડ કરી હતી ત્યારે સ્થળ ઉપરથી વરલી જુગારના આંકડા લેતા મહેશભાઈ બળદેવભાઈ ચારલા (21) રહે. ભીમગુડા તાલુકો વાંકાનેર વાળો મળી આવતા પોલીસે તેની પાસેથી 460 ની રોકડ કબજે કરી હતી. આવી જ રીતે સરતાનપર રોડ ઉપર આગમન હોટલની પાછળના ભાગમાં વરલી જુગારની રેડ કરી હતી ત્યારે ત્યાં સ્થળ ઉપરથી વરલી જુગારના આંકડા લેતા મેલાભાઈ ધીરુભાઈ રાઠોડ (22) રહે. સરતાનપર તાલુકો વાંકાનેર વાળો મળી આવતા તેની પાસેથી 550 રૂપિયાની રોકડ કબ્જે કરી હતી અને વાંકાનેર તાલુકા પોલીસ સ્ટેશન ખાતે બંને ગુના નોંધાયેલ છે.
