મોરબીમાં ગેરકાયદે લગાવેલ 50 જેટલા હોર્ડિંગ્સ બોર્ડ મહાપાલિકાની ટીમે તોડી પડ્યા: કમિશનર

મોરબી મહાપાલિકા દ્વારા ગેરકાયદે બાંધકામો તોડવામાં આવી રહ્યા છે તેની સાથોસાથ ગેરકાયદે લગાવવામાં આવેલ હોર્ડિંગ્સ બોર્ડ પણ તોડવા માટેની કાર્યવાહી હવે શરૂ કરવામાં આવી છે તેના ભાગરૂપે મોરબીની અવની ચોકડીની આસપાસમાં આવેલા હોર્ડીંગ બોર્ડને તોડી નાખવામાં આવેલ છે અને આગામી દિવસોમાં ચોમાસા હોર્ડીંગ બોર્ડ કોઈ માટે જોખમી ન બને તેના માટે હોર્ડીંગ બોર્ડને દૂર કરવા માટેની કાર્યવાહી ચાલુ જ રાખવામા આવશે.

મોરબી મહાપાલિકાના કમિશનર સ્વપ્રિલ ખરેની આગેવાની હેઠળ આજે મોરબીમાં અવની ચોકડી પાસે અને બાપાસીતારામ ચોકમાં રસ્તાની સાઇડમાં ઊભા કરવામાં આવેલા જોખમી હોર્ડિંગ્સ બોર્ડને દૂર કરવા માટે કામગીરી શરૂ કરવામાં આવી હતી. અને જેસીબીની મદદથી બોર્ડને હટાવી દેવામાં આવ્યા હતા અને આવી જ રીતે અન્ય વિસ્તારમાં પણ જોખમી હોર્ડીંગ બોર્ડને દૂર કરવા માટેની કામગીરી કરવામાં આવશે તેવું પણ અધિકારી જણાવ્યુ હતું વધુમાં માહિતી આપતા અધિકારી કહ્યું હતું કે, ચોમાસામાં ગેરકાયદે હોર્ડિંગ્સ બોર્ડ લોકો માટે જોખમી ન બને તેના માટે અગાઉ હોર્ડીંગ બોર્ડ જે એજન્સીના હોય તેને નોટિસ આપવામાં આવી હતી જેથી ઘણા લોકો હોર્ડિંગ્સ ઉતારી લીધા છે પરંતુ જે એજન્સીએ બોર્ડ ઉતાર્યા ન હતા તેવા ગેરકાયદે હોર્ડિંગ્સ તોડી પાડવામાં આવ્યા છે. અને અંદાજે 50 થી વધુ બોર્ડને હટાવવામાં આવ્યા છે.