મોરબીના લાલપર નજીક બાઇકને હડફેટે લઈને બે યુવાનોના મોત નિપજાવનારા આઇસર ચાલકની ધરપકડ
Morbi Today
મોરબીના માળીયા હાઈવે ઉપર ટ્રક ચાલકે સ્કુટરને હડફેટે લેતા યુવતી સારવારમાં
SHARE
JOIN OUR GROUP
મોરબીના માળીયા હાઈવે ઉપર ટ્રક ચાલકે સ્કુટરને હડફેટે લેતા યુવતી સારવારમાં
મોરબીના માળીયા હાઈવે ઉપર વાહન અકસ્માતનો બનાવ બન્યો હતો જેમાં ઇજાઓ થવાથી યુવતીને સારવારમાં ખસેડવામાં આવી છે.
જાણવા મળતી વિગતો મુજબ મોરબીના સામાકાંઠે રામકૃષ્ણનગરમાં રહેતા પ્રીન્સીબેન રમેશભાઇ ઉર્ફે રણજીતભાઇ ચૌહાણ (ઉમર ૩૭) ટીંબડીના પાટીયા પાસેથી સ્કુટર લઇને મહેન્દ્રનગર ચોકડીથી ઘર તરફ જતા હતા ત્યારે માળૂયા હાઇવે સનોરા સિરામીકની પાસે અજાણ્યા ટ્રક ચાલકે તેમના સ્કુટરને હડફેટે લેતાં હાથે-પગે અને માથાના ભાગે ઈજાગ્રસ્ત હાલતમાં પ્રીન્સીબેન ચૌહાણને સારવારમાં આયુષ હોસ્પીટલે ખસેડાયા હતા.બનાવને પગલે બી ડિવિઝન પોલીસ મથકના ફિરોજભાઈ સુમરાએ તપાસ હાથ ધરી હતી.જ્યારે મોરબીના બોરીચાવાસ વિસ્તારમાં રહેતા ફરીદાબેન તાજુદ્દીનભાઈ શેખ નામની ૪૯ વર્ષીય મહિલા રિક્ષામાં બેસીને હળવદ જતા હતા ત્યારે રસ્તામાં ચરાડવા નજીક પેટ્રોલ પંપ પાસે અકસ્માતે તેઓ રીક્ષામાંથી પડી જતા ફરીદાબેનને ઇજાઓ થતા તેમને આયુષ હોસ્પિટલે સારવારમાં લાવવામાં આવ્યા હતા.
આધેડ મહિલાનું મોત
મોરબીના ગ્રીનચોક વિસ્તારમાં આવેલી દફતરી શેરીમાં રહેતા ધનુબેન મહેશભાઈ ચૌહાણ નામના ૫૧ વર્ષીય આધેડ મહિલાને છાતીમાં દુખાવો ઉપડ્યા બાદ તેઓનું મોત નિપજતા સીટી એ ડીવીજન પોલીસ મથકના એચ.એમ.ચાવડાએ પ્રાથમિક તપાસ કરી આગળની વધુ તપાસ હાથ ધરી છે.જ્યારે મોરબીના મહેન્દ્રપરા શેરી નંબર-૧૯ માં રહેતા અશીફભાઇ સલેમાનભાઈ આંબલીયા નામનો ૪૦ વર્ષીય યુવાન જૂના બસ સ્ટેન્ડ પાસેથી બાઈકમાં જતો હતો ત્યારે બાઇકમાંથી પડી જતા મધુરમ હોસ્પિટલે લઇ જવાયો હતો.
