મોરબીના જોધપર ગામે ફલોરાહોમમાંથી જુગાર રમતા છ ની ૬.૦૭ લાખ સાથે ધરપકડ
SHARE
JOIN OUR GROUP
મોરબીના જોધપર ગામે ફલોરાહોમમાંથી જુગાર રમતા છ ની ૬.૦૭ લાખ સાથે ધરપકડ
મોરબી એલસીબીના સ્ટાફને મળેલ બાતમીના આધારે મોરબીના જોધપર નદી ડેમ પાસે આવેલ ફલોરા હોમ ખાતે જૂગાર અંગે રેડ કરવામાં આવી હતી ત્યારે ત્યાં બંગલામાં ચાલતા જુગારધામમાં જુગાર રમી રહેલા છ પતાપ્રેમીઓની રોકડ રૂા.૬.૦૭ લાખ જેવી માતબાર રકમ સાથે ધરપકડ કરવામાં આવી હોવાનું પોલીસ સુત્રોમાંથી જાણવા મળેલ છે.
મોરબી જીલ્લા પોલીસ વડા ઓડેદરા તેમજ એલસીબી પીઆઇના માર્ગદર્શન હેઠળ એલસીબીના શકિતસિંહ ઝાલા તથા સહદેવસિંહ જાડેજાને બાતમી મળેલ હતી કે મોરબી તાલુકાના જોધપર ગામની સીમમાં આવેલ ફલોરા હાઉસના બંગલામાં કલ્પેશભાઇ લાલજીભાઇ પટેલ રહે.હાલ મોરબી અવની ચોકડી અવધ પેલેસ વાળો બહારથી માણસો બોલાવીને ગંજીપતા વડે પૈસાની હારજીતનો જુગાર રમે છે અને રમાડે છે માટે ત્યાં રેડ કરવામાં આવતા રેડ દરમ્યાન સ્થળ ઉપરથી કલ્પેશભાઇ લાલજીભાઇ પટેલ, કલ્પેશભાઇ કાનજીભાઇ પટેલ, દિપેશભાઇ ઉર્ફે દિપક ઉર્ફે હોઠારો ગણેશભાઇ પટેલ, પ્રભુલાલ માવજીભાઇ પટેલ, જયંતીલાલ ગાંડુભાઇ પટેલ અને જીવરાજભાઇ મેઘજીભાઇ પટેલ રહે.બધા મોરબીવાળાઓ જુગાર રમતા મળી આવતા છએયની રોકડા રૂા.૬,૦૭,૫૦૦ સાથે પકડી પાડીને તેમની સામે જુગાર ધારાની કલમ હેઠળ મોરબી તાલુકા પોલીસ સ્ટેશનમાં ગુનો નોંધીને છએયની ધરપકડ કરવામાં આવેલ છે.રેડની કામગીરી પીઆઇ વી.બી.જાડેજાના માર્ગદર્શન હેઠળ શકિતસિંહ ઝાલા, નિરવભાઇ મકવાણા, વિક્રમસિંહ બોરાણા, સહદેવસિંહ જાડેજા, ભગીરથસિંહ ઝાલા, દશરથસિંહ પરમાર, ભરતભાઇ જીલરીયા, રણવીરસિંહ જાડેજા તથા દશરથસિંહ ચાવડાએ કરી હતી.
