મોરબીમાં રોટરીનગર પાસે ખુલ્લા પ્લોટમાં દારૂની આઠ બોટલ સાથે એકની ધરપકડ: એકની શોધખોળ

મોરબીમાં રોટરી નગર સોસાયટી કેસરીનંદન હનુમાનજી મંદિર પાસે ખુલ્લા પ્લોટમાં પોલીસે દારૂની રેડ કરી હતી ત્યારે ત્યાં સ્થળ ઉપરથી દારૂની આઠ બોટલો મળી આવતા પોલીસે 5,488 ની કિંમત દારૂની બોટલો સાથે એક શખ્સની ધરપકડ કરી હતી અને દારૂ આપનારનું નામ સામે આવ્યું હોય હાલમાં બે શખ્સો સામે ગુનો નોંધી આગળની કાર્યવાહી હાથ ધરી છે

જાણવા મળતી માહિતી મુજબ મોરબી એલસીબીની ટીમ પેટ્રોલિંગમાં હતી ત્યારે રોટરીનગર સોસાયટીમાં કેસરીનંદન હનુમાન મંદિર પાસે ખુલ્લા પ્લોટમાં દારૂની રેડ કરી હતી ત્યારે સ્થળ ઉપરથી દારૂની આઠ બોટલો મળી આવતા 5,488 રૂપિયાની કિંમતની દારૂની બોટલો કબજે કરી હતી અને આરોપી પૃથ્વીરાજસિંહ ખોડુભા ઝાલા (34) રહે. સામાકાંઠે વેજીટેબલ રોડ રોટરીનગર શેરી નં-2 મોરબી વાળાની ધરપકડ કરી હતી અને તેની પ્રાથમિક પૂછપરછ દરમિયાન આ દારૂનો જથ્થો તેણે નઝીર રહીમભાઈ સુમરા રહે. હાલ જામનગર રોડ માધાપર ચોકડી પાસે રાજકોટ મૂળ રહે. કાલિકા પ્લોટ મોરબી વાળા પાસેથી મેળવ્યો હોવાનું સામે આવતા પોલીસે બંને સામે ગુનો નોંધી બીજા આરોપીને પકડવા માટે તજવીજ શરૂ કરેલ છે

જુગારની રેડ

મોરબી તાલુકાના લખધીરપુર રોડ ઉપર ફેસ સીરામીક સામે બાલાજી ચેમ્બર પાસે જાહેરમાં જુગાર રમતા હતા ત્યાં જુગારની રેડ કરી હતી ત્યારે સ્થળ ઉપરથી દીપકભાઈ પ્રભુભાઈ ઈન્દરીયા (40) રહે. મહેન્દ્રસિંહ હોસ્પિટલ સામે આઠ ઓરડી મોરબી તથા દિનેશભાઈ કિશોરભાઈ હળવદિયા (32) રહે. જાંબુડીયા તાલુકો મોરબી વાળા જુગાર રમતા મળી આવ્યા હોય પોલીસે તેની પાસેથી 1,200 ની રોકડ કબજે કરી હતી અને મોરબી તાલુકા પોલીસ સ્ટેશન ખાતે ગુનો નોંધાયો છે. જ્યારે માળિયાની મેઇન બજારમાં વરલી જુગારના આંકડા લેવામાં આવતા હોય ત્યાં પોલીસે રેડ કરી હતી અને સ્થળ ઉપરથી વરલી જુગારના આંકડા લેતા નૂરમામદભાઈ અબ્દુલભાઈ લધાણી (40) રહે. ખાખરેચી તાલુકો માળીયા મીયાણા વાળાની 600 રૂપિયાની રોકડ સાથે ધરપકડ કરવામાં આવેલ છે.