મોરબીમાં રખડતાં ઢોરની સમસ્યા દુર કરવા કોંગ્રેસના મહામંત્રીએ કરી કમિશનરને રજૂઆત

મોરબીમાં આવેલ સોઓરડી વિસ્તારમાં રખડતા ઢોરનો ત્રાસ વધી રહ્યો છે અને જાનહાનિ થાય તેવી પણ શ્ક્યતા રહે છે જેથી કરીને આ સમસ્યામાંથી સ્થાનિક લોકોને કાયમી મુક્તિ મળે તેના મોરબી શહેર કોંગ્રેસના મહામંત્રીએ કમિશનરને લેખિતમાં રજૂઆત કરેલ છે.

મોરબી શહેર કોંગ્રેસના મહામંત્રી વસીમભાઈ મનસુરીએ મહાપાલિકાના કમિશનરને જે રજૂઆત કરેલ છે તેમાં જણાવ્યું છે કે, મોરબીમાં ઢોર પકડવાની ઝુંબેશ શરૂ કરવામાં આવી હતી પરંતુ હજુ પણ ઘણા વિસ્તારમાં આજની તારીખે રખડતા ઢોરની સમસ્યા યથાવત છે ત્યારે મોરબીના સોઓરડી વિસ્તારમાં શ્રમજીવી પરિવાર રહે છે અને તેના બાળકો ઘરની બહાર રમતા હોય છે અને ઘણા લોકોના વાહનો પણ ઘરની બાહર હોય છે ત્યારે આ રખડતાં ઢોરના કારણે જાનહાનિ થાય કે પછી કોઈ માલ મિકલતને નુકશાન થાય તો તેના માટે જવાબદાર કોણ તે પ્રશ્ન ઉઠી રહ્યો છે અત્રે ઉલેખનીય છે કે, અગાઉ મોરબીમાં ઘણી દુર્ઘટના બનેલ છે ત્યારે ભવિષ્યમાં આવી ઘટના ન બને તેના માટે રખડતા ઢોર મામલે યોગ્ય કાર્યવાહી કરવામાં આવે તેવી માંગ કરેલ છે.