ટંકારાના જોધાપર-મોરબીમાંથી 10 બોટલ દારૂ સાથે ત્રણ પકડાયા: 270 લિટર દેશી દારૂ સાથે બે મહિલા પકડાઈ

ટંકારા તાલુકાનાં જોધાપર અને મોરબી શહેરમાં જુદીજુદી ત્રણ જગ્યાએથી સ્થાનિક પોલીસે કુલ મળીને 10 બોટલ દારૂ સાથે ત્રણ શખ્સની ધરપકડ કરેલ છે અને મોરબી શહેરમાં આવેલ કાલિકા પ્લોટમાંથી બે મહિલાઓની 270 લિટર દેશી દારૂના જથ્થા સાથે પોલીસે ધરપકડ કરીને આગળની કાર્યવાહી કરેલ છે.

જાણવા મળતી માહિતી મુજબ ટંકારા તાલુકાના જોધપર રોહીશાળા રોડ ઉપર પવનચક્કીની નજીકથી પસાર થઈ રહેલા શખ્સને રોકીને પોલીસે ચેક કર્યો હતો ત્યારે તે શખ્સ પાસેથી દારૂની સાત બોટલો મળી આવી હતી જેથી કરીને પોલીસે 2100 ની કિંમતની દારૂની બોટલો કબજે કરી હતી અને આરોપી અનશુભાઈ વરસીંગભાઇ મેડા (44) રહે. જોધપર ગામની સીમ પ્રવીણભાઈ પટેલની વાડીએ ટંકારા વાળાની ધરપકડ કરી હતી અને ટંકારા તાલુકા પોલીસ સ્ટેશન ખાતે ગુનો નોંધી આગળની કાર્યવાહી કરી છે. તો મોરબીમાં રેલ્વે સ્ટેશન પાસેથી બાઈક નંબર જીજે 36 કયું 1998 લઈને યુવાન પસાર થઈ રહ્યો હતો ત્યારે તેને રોકીને પોલીસે તે યુવાનને ચેક કરતા તેની પાસેથી દારૂની એક બોટલ મળી આવી હતી જેથી કરીને 641 રૂપિયાની કિંમતની દારૂની બોટલ તથા 50,000 રૂપિયાની કિંમતનું બાઇક આમ કુલ મળીને 50,641 રૂપિયાની કિંમતનો મુદ્દામાલ કબજે કર્યો હતો અને આરોપી નવાજ ફારુકભાઈ કટિયા (19) રહે. ગુલાબનગર મોરબી વાળાની ધરપકડ કરી હતી આવી જ રીતે મોરબીના મહેન્દ્ર ડ્રાઇવ રોડ ઉપર દરબારગઢ પાસેથી પસાર થઈ રહેલા શખ્સને રોકીને પોલીસે ચેક કરતા તેની પાસેથી દારૂની બે બોટલો મળી આવી હતી જેથી પોલીસે 750 રૂપિયાની કિંમતની દારૂની બોટલો કબજે કરી હતી અને આરોપી જીતેશભાઈ મનુભાઈ કગથરા (29) રહે. વીસીપરા મહાકાળીમીલ વાળી શેર મોરબી વાળાની ધરપકડ કરી હતી અને તેની પ્રાથમિક પૂછપરછમાં આ શખ્સ પાસેથી મળી આવેલ દારૂની બોટલો તેણે મુમતાજબેન ઇમરાનભાઈ મોબર રહે વીસીપરા કુલીનગર-1 મોરબી વાળા પાસેથી મેળવી હોવાનું સામે આવ્યું હતું જેથી પોલીસે આ બંનેની સામે ગુનો નોંધી મહિલા આરોપીને પકડવા માટે તજવીજ શરૂ કરી છે.

270 લિટર દેશી દારૂ

મોરબીના કાલિકા પ્લોટ પાસે આવેલ પરસોતમ ચોકમાં મેલડી માતાજીના મંદિર પાસે જાહેરમાં દારૂની રેડ કરવામાં આવી હતી ત્યારે ત્યાં સ્થળ ઉપરથી 270 લિટર દેશી દારૂનો જથ્થો મળી આવ્યો હતો જેથી પોલીસે 54,000 ની કિંમતનો દારૂનો જથ્થો કબજે કર્યો હતો અને સ્થળ ઉપરથી ગૌરીબેન રસિકભાઈ હમીરપરા (45) અને સલમાબેન તોફિકભાઈ ચાનીયા (31) રહે. બંને કાલિકા પ્લોટ પરસોતમ ચોક પાસે સતવારા બોર્ડિંગ પાછળ મોરબી વાળાની ધરપકડ કરી હતી અને નવઘણભાઈ જેઠાભાઈ દેગામા રહે. લીલાપર તાલુકો મોરબી વાળાનું નામ સામે આવ્યું હોય આ ત્રણેય સામે ગુનો નોંધી નવઘણભાઈ દેગામાને પકડવા માટે પોલીસે તજવીજ હાથ ધરી છે