મોરબી રોટરી ક્લબ દ્વારા દિવાળી નિમિત્તે ઓપન મોરબી રંગોળી હરીફાઇનું આયોજન

આગામી દિવસોમાં દિવાળી આવી રહી છે ત્યારે મોરબી રોટરી ક્લબ દ્વારા રંગારંગ મહોત્સવને ઉજવવા માટે રંગોળી સ્પર્ધાનું આયોજન કરવામાં આવ્યું છે જેમાં ભાગ લેવા માટે રજીસ્ટ્રેશન કરવાનું ચાલુ છે

રોટલી ક્લબ ઓફ મોરબી દ્વારા મોરબી પાલિકાને સાથે રાખીને રંગારંગ મહોત્સવનું આયોજન કરવામાં આવ્યું છે અને દિવાળીમાં રંગોનું મહત્વ હોય છે જેથી કરીને રંગોળી સ્પર્ધાનું આયોજન કરવામાં આવ્યું છે જેમાં ભાગ લેવા માટે લોકોને જાહેર અપીલ કરવામાં આવેલ છે અને આગામી 29 તારીખને મંગળવારે બપોરના અઢી વાગ્યાથી સાંજના 6:00 વાગ્યા સુધી મોરબીના મયુર પુલ ઉપર આવેલ ફૂટપાથ ઉપર આ રંગોળી સ્પર્ધા યોજવાની છે અને આ રંગોળી સ્પર્ધામાં ભાગ લેવા માટે રજીસ્ટ્રેશન ફી 100 રૂપિયા રાખવામાં આવેલ છે અને સાત વાગ્યા બાદ રંગોળી લોકો નિહાળી શકાશે અને રંગોળીમાં ભાઈઓ બહેનો બાળકો વગેરે ભાગ લઈ શકશે.

આ સ્પર્ધા બે અલગ અલગ કેટેગરીમાં રાખવામાં આવેલ છે જેમાં એક કેટેગરીમાં પાંચથી 15 વર્ષ અને બીજી કેટેગરીમાં 15 વર્ષથી મોટા લોકો ભાગ લઈ શકશે અને બંને કેટેગરીમાં પ્રથમ, દ્વિતીય અને દ્વિતીય સ્પર્ધકોને નંબર આપવામાં આવશે. અને રંગોળી માટેની જરૂરી વસ્તુઓ સ્પર્ધાકે જાતે લાવવાની રહેશે અને ચાર બાય ચાર ફૂટની જ રંગોળી બનાવવાની રહેશે. આ સ્પર્ધા માટે રજીસ્ટ્રેશન કરાવવું ફરજિયાત છે અને તેના માટે રષેશભાઈ મહેતા (9898071475) અથવા બંસીબેન શેઠ (9376652360) નો સંપર્ક કરવા જણાવ્યુ છે અને આ કાર્યક્રમને સફળ બનાવવા માટે પ્રેસિડન્ટ કિશોરસિંહ જાડેજા, પ્રોજેક્ટ ચેરમેન રષેશભાઈ મહેતા અને સેક્રેટરી ભરતભાઈ ભદ્રકિયા સહિતની ટીમ જહેમત ઉઠાવી રહી છે.