હળવદના જુના દેવળીયા ગામે ઘરમાંથી દારૂની નાની મોટી 33 બોટલો-18 લિટર દેશી દારૂ ઝડપાયો: આરોપીની શોધખોળ

હળવદ તાલુકાના જુના દેવળીયા ગામે રહેતા શખ્સના ઘરની અંદર દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાંથી દારૂની નાની મોટી કુલ 33 બોટલો તથા 18 લિટર દેશી દારૂનો જથ્થો મળી આવ્યો હતો જેથી કરીને પોલીસે દેશી અને વિદેશી દારૂનો જથ્થો કબજે કર્યો હતો જોકે પોલીસ દ્વારા દારૂની રેડ કરવામાં આવી ત્યારે આરોપી ઘરમાં હાજર ન હોય તેની સામે હળવદ તાલુકા પોલીસ સ્ટેશન ખાતે ગુનો નોધી પોલીસ આરોપીને પકડવા માટે તજવીજ શરૂ કરી છે.

જાણવા મળતી માહિતી મુજબ હળવદ તાલુકા પોલીસની ટીમ પેટ્રોલિંગમાં હતી ત્યારે જુના દેવળીયા ગામે રહેતા સંતોષભાઈ કોળીના રહેણાંક મકાનમાં દારૂનો જથ્થો હોવા અંગેની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાંથી દારૂની નાની 19 અને મોટી 14 આમ કુલ મળીને 33 બોટલો તથા 18 લિટર દેશી દારૂનો જથ્થો મળી આવ્યો હતો જેથી કરીને પોલીસે 12,150 ની કિંમત નો દેશી વિદેશી દારૂનો જથ્થો ઘરમાંથી કબજે કર્યો હતો જોકે પોલીસ દ્વારા દારૂની રેડ કરવામાં આવી હતી ત્યારે સ્થળ ઉપર આરોપી હાજર ન હોવાથી હાલમાં હળવદ તાલુકા પોલીસ સ્ટેશન ખાતે સંતોષભાઈ રાજુભાઈ કોળી રહે. મોતીનગર જુના દેવળીયા તાલુકો હળવદ વાળાની સામે પોલીસે ગુનો નોંધીને આરોપીને પકડવા માટે તજવીજ શરૂ કરી છે

બિયરના પાંચ ટીન

મોરબી તાલુકાના મકનસર ગામની સીમમાં પ્રેમજીનગરના ગેટ પાસેથી પસાર થયેલ શખ્સને રોકીને પોલીસ દ્વારા ચેક કરવામાં આવતા તેની પાસેથી બીયરના પાંચ ટીન મળી આવ્યા હતા જેથી પોલીસે 500 રૂપિયાની કિંમતનો બિયરનો જથ્થો કબજે કર્યો હતો અને આરોપી સંજયભાઈ ઉર્ફે ધૂળો વીરજીભાઈ રાતૈયા (27) રહે. મદારીવાસ મકનસર મોરબી વાળાની ધરપકડ કરી હતી અને તેની સામે મોરબી તાલુકા પોલીસ સ્ટેશન ખાતે પોલીસ આગળની કાર્યવાહી હાથ ધરી છે