મોરબીમાં જીટીપીએલના સંચાલકની ઓફિસ કેબલ ઓપરેટરે સળગાવી: બે સામે ફરિયાદ
SHARE
JOIN OUR GROUP
મોરબીમાં જીટીપીએલના સંચાલકની ઓફિસ કેબલ ઓપરેટરે સળગાવી: બે સામે ફરિયાદ
મોરબીના રવાપર રોડ ઉપર એચડીએફસી ચોક પાસે આવેલ ઘનશ્યામ પ્લાઝામાં જીટીપીએલની ઓફિસના દરવાજાને કેબલ ઓપરેટરે જવલંતશીલ પદાર્થ છાંટીને આગ ચાપી દીધી હતી જેથી કરીને જીટીપીએલનું સંચાલન સંભાળતા આધેડ દ્વારા હાલમાં એક કેબલ ઓપરેટર સહિત કુલ બે વ્યક્તિઓ સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ મોરબીના કાયાજી પ્લોટમાં આવેલ શિવાલય હાઈટસ ખાતે રહેતા અને મોરબી જિલ્લામાં જીટીપીએલ કેબલ કનેક્શનનું સંચાલન સંભાળતા દિનેશભાઈ જયંતીલાલ પંડ્યા (56)એ હાલમાં મોરબી એ ડિવિઝન પોલીસ સ્ટેશન ખાતે જુનેદ ગુલામહુસેન પીલુડિયા રહે. મહેન્દ્રપરા અને તેની સાથે આવેલ એક અજાણ્યો માણસ આમ કુલ બે શખ્સની સામે ફરિયાદ નોંધાવેલ છે જેમાં જણાવ્યું છે કે, મોરબીના રવાપર રોડ ઉપર એચડીએફસી ચોક ઘનશ્યામ પ્લાઝામાં તેઓની જીટીપીએલની ઓફીસ આવેલ છે અને જૂનેદ ગુલામહુસેન પીલુડિયા જે કેબલ ઓપરેટર તરીકે કામ કરતો હોય તેની સાથે જોડાયેલ છે અને તેણે ફરિયાદી પાસેથી હાથ ઉછીના 50 હજાર રૂપિયા માંગ્યા હતા જોકે, રૂપિયાની સગવડ ન હોવાથી ફરિયાદીએ તેને રૂપિયા આપવાની ના પાડી હતી જે બાબતનો ખાર રાખીને બંને આરોપીઓ તેઓની ઓફિસે પહોંચ્યા હતા અને ત્યાં તેમની ઓફિસના દરવાજા ઉપર જ્વલંતશીલ પદાર્થ છાંટીને આગ ચાંપી દીધી હતી જેથી કરીને ઓફિસમાં અને દરવાજામાં 50,000 જેવી નુકસાની થયેલ છે હાલમાં જીટીપીએલના સંચાલક દ્વારા નોંધાવવામાં આવેલ ફરિયાદ આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરી છે
