મોરબી-વાંકાનેરમાં દારૂની બે રેડ, 10 બોટલ દારૂ સહિત 2.29 લાખથી વધુનો મુદામાલ કબજે:  એકની ધરપકડ, બેની શોધખોળ

મોરબી અને વાંકાનેરમાં જુદાજુદા બે સ્થળ ઉપર દારૂની રેડ કરી હતી ત્યારે કુલ મળીને પોલીસે દારૂની 10 બોટલો અને વાહનો તેમજ મોબાઈલ કબજે કરીને કુલ 2.29 લાખથી વધુનો મુદામાલ કબજે કર્યો છે અને હાલમાં એક આરોપી પકડાયેલ છે જો કે, બે આરોપીને પકડવા માટે ચક્રોગતિમાન કરેલ છે

વાંકાનેરના ચંદ્રપુરના નાલા પાસે સર્વિસ રોડ ઉપર પોલીસે દારૂની રેડ કરી હતી ત્યારે દારૂની પાંચ બોટલો મળી આવી હતી જેથી કરીને પોલીસે 4,250 રૂપિયાની કિંમતનો દારૂનો જથ્થા તથા દારૂની હેરાફેરી માટે ઉપયોગમાં લેવામાં આવતું સ્કૂટર નંબર જીજે 36 એઇ 8055 જેની કિંમત 20,000 રૂપિયા તથા વર્ના ગાડી નંબર જીજે 1 કેપી 6446 જેની કિંમત 1.5 લાખ રૂપિયા આમ કુલ મળીને 1,74,250 ની કિંમતના મુદ્દામાલ સાથે વસીમ ઉર્ફે બાપુડી અબ્દુલભાઈ દિવાન (34) રહે. ગેલેક્સી સોસાયટી વાંકાનેર વાળાની ધરપકડ કરી હતી અને તેની પાસેથી ઈમરાનભાઈ ઉર્ફે ભૂરો ઈબ્રાહીમભાઇ પઠાણ રહે. ચંદ્રપુર વાંકાનેર વાળાનું નામ સામે આવ્યું હોય તેને પકડવા માટે પોલીસ દ્વારા તજવીજ શરૂ કરવામાં આવી છે

પાંચ બોટલ દારૂ

મોરબીના લીલાપર રોડ ઉપર આવેલ પ્રજાપતિ સોસાયટી પાસે શેરીમાં સ્કૂટર રાખવામાં આવ્યું હતું જે એક્સેસ સ્કૂટર નંબર જીજે 36 કે 5162 ને પોલીસ દ્વારા ચેક કરવામાં આવ્યું હતું ત્યારે તેની ડેકીમાંથી દારૂની પાંચ બોટલ મળી આવી હતી જેથી પોલીસે 5,000 રૂપિયાની કિંમતની દારૂની બોટલો તથા 50,000 રૂપિયાની કિંમતનું સ્કૂટર આમ કુલ મળીને 55,000 રૂપિયાની કિંમતના મુદ્દામાલ કબજે કર્યો છે જોકે આરોપી હાજર ન હોય હાલમાં મોમજીભાઈ પરબતભાઈ સાવધાર રહે. લીલાપર રોડ ન્યુ પ્રજાપતિ સોસાયટી મોરબી વાળાની સામે ગુનો નોંધી પોલીસે તેને પકડવા માટે તજવીજ શરૂ કરી છે