મોરબીમાં જીરૂ વેચીને જઈ રહેલા શ્રમિક પાસેથી રોકડા 50 હજારની ચોરીના ગુનામાં વધુ એક આરોપી પકડાયો

મોરબીના શ્રમિક માર્કેટયાર્ડમાં જીરું વેચવા માટે શ્રમિક આવ્યો હતો અને જીઆઇડીસીના નાકા પાસેથી તે રિક્ષામાં બેસીને જઈ રહ્યા હતા ત્યારે રીક્ષામાં તેની સાથે મુસાફરની જેમ બેઠેલ બે પુરુષ અને એક સ્ત્રીએ ઉલટીનું બહાનું કરીને ફરીયાદીની નજર ચૂકવીને તેના પેન્ટના કિસ્સામાંથી 50 હજાર રૂપિયા રોકડાની ચોરી કરી લીધેલ હતી જેની ફરિયાદ આધારે પોલીસે આ ગુનામાં હાલમાં એક આરોપીને પકડેલ છે

મોરબી તાલુકાના કૃષ્ણનગર ગામે રાજેશભાઈ જેઠાભાઈ કાનગડની વાડીએ રહેતા અને મજૂરી કામ કરતા મૂળ એમપીના અલીરાજપુર જિલ્લાના રહેવાસી ગણપતભાઈ હજારિયાભાઈ કોળી જાતે આદિવાસી (50)એ સીએનજી રીક્ષાના ચાલક તથા તે રિક્ષામાં બેઠેલ મહિલા સહિતના અન્ય બે વ્યક્તિઓ આમ કુલ મળીને ચાર વ્યક્તિની સામે ચોરીની ફરિયાદ નોંધાવેલ હતી જેમાં જણાવ્યું હતું કે, મોરબીના સનાળા રોડ ઉપર આવેલ માર્કેટયાર્ડથી જીરું વેંચાણ કરીને તેના રોકડા રૂપિયા લઈને તેઓ જીઆઇડીસીના નાકા સુધી જવા માટે સીએનજી રીક્ષામાં બેઠા હતા દરમિયાન સીએનજી રીક્ષામાં અગાઉથી બેઠેલ બે પુરુષ અને એક મહિલાએ ઉલટીનું નાટક કરીને ફરિયાદીની નજર ચૂકવીને તેના પેટના ખિસ્સામાં રહેલ રોકડા રૂપિયા 50 હજારની ચોરી કરી લીધા હતા જેની ફરિયાદ આધારે પોલીસે પહેલા આ ગુનામાં બે આરોપીને પકડ્યા હતા અને હાલમાં આ ગુનામાં પીએસઆઇ પી.આર. સોનારા અને ધ્રુવરાજસિંહ દ્વારા આરોપી કિશન  મગનભાઇ ભાંભરીયા (22) રહે. માસૂમ પાર્ક મનહર સોસાયટી શેરી નંબર 2 રાજકોટ વાળાની ધરપકડ કરેલ છે.

મારા મારીમાં ઇજા

મોરબીના નવલખી રોડ ઉપર આવેલ સેન્ટ મેરી સ્કૂલ પાસે ઘરે મારામારીના બનાવમાં ઈજા થતા શંકરભાઈ બાબુભાઈ પીપળીયા (39) નામના યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી છે આ બનાવની પ્રાથમિક તપાસ પ્રફુલભાઈ પરમાર દ્વારા કરવામાં આવી હતી

બાઇક સ્લીપ

મોરબીમાં સોઑરડી પાસે આવેલ રામદેવનગરમાં રહેતા પ્રેમભાઈ મનસુખભાઈ પરમાર (25) નામનો યુવાન ઘર પાસે શેરીમાં પગપાળા ચાલીને જઈ રહ્યો હતો ત્યારે કોઈ અજાણ્યા બાઇક ચાલાકે તેને હડફેટે લેતા અકસ્માતનો બનાવ બનેલ હતો જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની બી ડિવિઝન પોલીસને જાણ કરવામાં આવી છે