મોરબીમાં જીવનનો અંત આણવા નીકળેલી સગર્ભા મહિલાને 181 મહિલા હેલ્પલાઇનની ટીમે બચાવી
SHARE
JOIN OUR GROUP
મોરબીમાં આપઘાત કરવા નીકળેલી સગર્ભા મહિલાને 181 મહિલા હેલ્પલાઇનની ટીમે બચાવી
મોરબીમાં એક સજ્જન વ્યક્તિ દ્વારા 181 માં ફોન કરવામાં આવ્યો હતો કે, એક મહિલા અહીંયા રસ્તામાં ઉભા છે અને ઘરેથી નીકળી ગયેલ છે તેવું જણાવે છે અને આપઘાત કરવાનું જણાવે છે. જેથી કરીને 181 ટીમના કાઉન્સેલર સેજલ પટેલ, કોન્સ્ટેબલ જયશ્રીબેન, પાયલોટ પ્રદીપભાઈ તે મહિલા પાસે ગઈ હતી અને મહિલાને સાંત્વના આપી સરળતાપૂર્વક કાઉન્સલિંગ કર્યું હતું
ત્યારે મહિલાએ જણાવ્યુ હતું કે, તેના આ બીજા લગ્નને એક વર્ષ થયેલ છે અને હાલ ચાર મહિનાનો ગર્ભ છે તેના પતિ ભેગા અલગ રહેતા હોય તેમના પતિ તેમને શારીરિક માનસિક ત્રાસ આપતા હોવાથી તેઓ ઘરેથી નીકળી ગયેલ છે. અને આપઘાતના વિચારો કરતા હતા ત્યારબાદ 181 ટીમ દ્વારા મહિલાને આશ્વાસન આપવામાં આવેલ તેમજ આવી રીતે ક્યારેય પણ આપઘાત ન કરવા અને ઘરેથી ન નીકળવા માટે સલાહ સુચન માર્ગદર્શન અને કાયદાકીય માહિતી આપવામાં આવી હતી.
ત્યારબાદ તેમના જણાવેલ સરનામે જઈ તેના પતિનું કાઉન્સિલિંગ કરતા તેમના પતિએ જણાવેલ કે તેઓ તેમના પત્ની ભેગા અલગ રહેતા હોય તેમના પિતા ઓફ થઈ ગયેલ છે તેમના માતા એકલા હોય તેમના પત્ની તેમને તેમની માતા પાસે જવાની ના પડે છે. અને જાય તો તેમની જોડે ઝઘડો કરે છે. અને આપઘાત કરવાની ધમકી આપે છે જેથી કરીને દંપતીને સમજવ્યું હતું અને પતિને પત્નીનું ધ્યાન રાખવા માટે જણાવ્યુ હતું.
