મોરબી સાર્થક વિદ્યામંદિર ખાતે લીગલ અવેરનેસ એન્ડ ડિફેન્સ ટેકનીકની શિબિર યોજાઈ

મોરબી ડિસ્ટ્રીક લીગલ સર્વિસીસ ઓથોરિટી અને જિનિયસ ગ્રુપના સહયોગથી મોરબી સાર્થક વિદ્યામંદિર શાળા ખાતે લીગલ અવેરનેસ એન્ડ ડિફેન્સ ટેકનીકની શિબિર યોજાઈ હતી જેમાં શાળાની વિદ્યાર્થિનીઓ અને સંસ્થાના સ્ટાફની મહિલાઓને સ્વબચાવની તાલીમ અને કાનૂની માર્ગદર્શન આપવામાં આવ્યું હતું અને જાતીય સતામણી અંગે માર્ગદર્શન પૂરું પાડવામાં આવ્યું હતું

પુરુષ પ્રધાન સમાજમાં અગ્નિપરીક્ષા હંમેશા સ્ત્રીઓએ જ આપવી પડે તેમજ સ્ત્રીઓ અબડા છે તે માનસિકતા બદલાવી અનિવાર્ય છે તેમ વક્તા રોહિત સિક્કાએ જણાવ્યું હતું અને માર્શલ આર્ટસ અને સેલ્ફ ડિફેન્સ વર્કશોપના નિષ્ણાંત એવા બાસુજીત સિંઘ અને વૈશાલી જોશી દ્વારા સેલ્ફ ડિફેન્સની વિવિધ ટેકનીક શીખવવામાં આવી હતી આ કાર્યક્રમમાં મુખ્ય વક્તા તરીકે મોરબી જિલ્લા કાનૂની સેવા સત્તા મંડળના સેક્રેટરી આર.કે પંડ્યાએ મહિલાઓને કાનૂની માર્ગદર્શન પૂરું પાડ્યું હતું. ત્યારે પીઆઇ જે.એમ.આલ, મહિલા પીએસઆઈ વી.એલ.સાકરીયા તેમજ સીપીઆઇ પી.એચ.લગધીરકા હાજર રહ્યા હતા અને સાર્થક વિદ્યામંદિર ખાતે યોજાયેલા આ કાર્યક્રમમાં શાળાની તમામ વિદ્યાર્થીની બહેનો તેમજ ઘણા વાલીઓ હાજર રહ્યા હતા અને કાર્યક્રમને સફળ બનાવવા માટે શાળાના સંચાલક કિશોરભાઈ શુક્લ તેમજ સમગ્ર ટીમે સરસ આયોજન કર્યું હતું આવી જ રીતે આઝાદી કા અમૃત મહોત્સવ અંતર્ગત મોરબી  સબ જેલ ખાતે પણ તાલુકા કાનુની સેવા સમિતિ મોરબીના લિગલ પેનલ એડવોકેટ શબાનાબેન ખોખર તથા મોરબી સબ જેલના અધિક્ષક એલ.વી.પરમારની હાજરીમાં કાર્યક્ર્મ યોજાયો હતો જેમાં જેલમાં રહેલા બંદિવાનોને મફ્ત કાનુની સહાય કોને મળી શકે ?, ક્યા પ્રકારના કેસોમાં કાનુની સહાય મળી શકે ?, કાનુની સહાયમાં કેવા પ્રકારની સહાય મળી શકે ? તે બાબતે વાકેફ કરી બ્રોસરોનું વિતરણ કરવામાં આવેલ છે