મોરબીના કેરાળા ગામે ખેડૂતના ઘરમાં થયેલ 3.52 લાખના મુદામાલની ચોરીની ફરિયાદ 12 દિવસે લેવાઈ !
Morbi Today
ટંકારાના ઘુનડા-સજનપર રોડે રીક્ષાને અજાણ્યા ડમ્પર ચાલેક હડફેટે લેતા પાંચ વર્ષના માસૂમ બાળકનું મોત
SHARE
JOIN OUR GROUP
ટંકારાના ઘુનડા-સજનપર રોડે રીક્ષાને અજાણ્યા ડમ્પર ચાલેક હડફેટે લેતા પાંચ વર્ષના માસૂમ બાળકનું મોત
ટંકારાના ઘુનડા ગામથી સજનપર ગામ તરફ જવાના રસ્તા ઉપરથી સીએનજી રીક્ષા પસાર થઈ રહી હતી ત્યારે ડમ્પર ચાલકે રીક્ષાને હડફેટે લીધી હતી જેથી કરીને બેઠેલ યુવાન, તેના પત્ની અને તેના દીકરાને ઇજા થઈ હતી જેમાં યુવાનના પાંચ વર્ષના દીકરાને માથામાં ગંભીર ઇજા થઈ હોવાથી તેનો મોત નીપજ્યું હતું અને હાલમાં અકસ્માતના આ બનાવ સંદર્ભે યુવાને અજાણ્યા ડમ્પર ચાલક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે.
બનાવની જાણવા મળતી માહિતી પ્રમાણે મૂળ દાહોદ જિલ્લાના રહેવાસી અને હાલમાં સજનપર ગામે દુર્લભજીભાઈ પટેલની વાડીએ રહેતા અને મજૂરી કામ કરતા જયેશભાઈ પારસીંગભાઇ ભાભોર જાતે આદિવાસી (29)એ અજાણ્યા ડમ્પર ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેણે જણાવ્યું છે કે, ઘુનડા ગામથી સજનપર ગામ તરફ જવાના રસ્તા ઉપર તબેલાથી આગળના ભાગમાં તેઓ સીએનજી રીક્ષામાં બેસીને તેના પત્ની સરોજબેન તેમજ નાનો દીકરો યુવરાજ (5) તેમજ તેના ભાઈ બધા જઈ રહ્યા હતા ત્યારે સામેથી આવી રહેલ અજાણ્યા ડમ્પર ચાલકે રિક્ષાને હડફેટે લેતા અકસ્માતનો બનાવ બન્યો હતો
જેમાં ફરિયાદીના દીકરા યુવરાજને માથામાં ગંભીર ઇજા થવાથી તેનું માથું ફાટી ગયું હતું અને તે બાળકનું મોત નીપજયું હતું જોકે તેના પત્ની સરોજબેનને ડાબા હાથ અને પગમાં ફ્રેક્ચર જેવી ઈજા થઈ હોવાથી તેને સારવારમાં ખસેડવા આવ્યા હતા અને અકસ્માત મૃત્યુના આ બનાવ સંદર્ભે હાલમાં મૃતક બાળકના પિતાએ નોંધાવેલ ફરીયાદ આધારે પોલીસે અજાણ્યા ડમ્પર ચાલક સામે ગુનો નોંધીને આરોપીને પકડવા માટે તજવીજ શરૂ કરી છે. વધુમાં ફરિયાદી પાસેથી જાણવા મળતી માહિતી પ્રમાણે ફરિયાદીના ભાઈ ધુનડા ગામે વાડીએ રહેતા અને મજૂરી કામ કરતા હતા જેઓને સજનપર ગામે તે જ્યાં કામ કરતા હતા ત્યાં લઈ જવા માટે થઈને ફરિયાદી આવ્યા હતા અને તેના ભાઈને લઈને પરત સજનપર ગામ તરફ આવી રહ્યા હતા દરમિયાન અકસ્માતનો આ બનાવ બન્યો છે જેમાં યુવાનના પાંચ વર્ષના માસુમ દીકરાનું મોત નીપજયું છે.
