વાંકાનેરના રાતાવીરડા નજીકથી દારૂની આઠ બોટલ સાથે એકની ધરપકડ, એકની શોધખોળ
Morbi Today
ટંકારા નજીક કાર ચાલકે બાઇકને હડફેટે લેતા વૃદ્ધને નિતંબના ગોળામાં ક્રેક: ગુનો નોંધાયો
SHARE
JOIN OUR GROUP
ટંકારા નજીક કાર ચાલકે બાઇકને હડફેટે લેતા વૃદ્ધને નિતંબના ગોળામાં ક્રેક: ગુનો નોંધાયો
ટંકારા મોરબી રોડ ઉપર આવેલ પેટ્રોલ પંપ સામેથી વૃદ્ધ પોતાનું બાઈક લઈને પસાર થઈ રહ્યા હતા ત્યારે તેઓના બાઇકને કારના ચાલકે હડફેટે લેતા અકસ્માત થયો હતો અને અકસ્માતના બનાવમાં બાઇક ઉપર જઈ રહેલા વૃદ્ધને માથાના ભાગે તથા નિતંબના ગોળામાં ઇજા થયેલ હતી જેથી કરીને ઇજાગ્રસ્ત હાલતમાં તેઓને સારવાર માટે લઈને આવ્યા હતા અને સારવાર લીધા બાદ તેઓએ ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે કાર ચાલક સામે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ ટંકારામાં આવેલ લક્ષ્મીનારાયણ સોસાયટી શેરી નં-૧૧ માં રહેતા મુકેશગીરી હીરાગીરી ગોસ્વામી જાતે બાવાજી (૬૦)એ હાલમાં ટંકારા તાલુકા પોલીસ સ્ટેશન ખાતે કાર નંબર જીજે ૩૫ એએલ ૦૩૪૦ ના ચાલક સામે ફરિયાદ નોંધાવી છે જેમાં તેને જણાવ્યુ છે કે, તેઓ ટંકારા મોરબી રોડ ઉપર આવેલ તિરુપતિ પેટ્રોલ પંપ પાસેથી રસ્તા ઉપરથી પોતાનું બાઈક નંબર જીજે ૩૬ એલ ૨૦૨૭ લઈને જતા હતા ત્યારે કાર ચાલકે તેના બાઇકને પાછળથી ઠોકર મારી હતી જેથી કરીને અકસ્માત થયો હતો અકસ્માતના બનાવમાં ફરિયાદી વૃદ્ધને માથાના ભાગે ઇજા થઈ હતી તેમજ નિતંબના એક ગોળામાં ક્રેક અને બીજા ગોળામાં નુકસાન થયેલ છે તથા શરીરે ઇજાઓ થઈ હતી જેથી તેને સારવારમાં લઈ ગયા હતા અને સારવાર લીધા બાદ મુકેશગીરી ગોસ્વામીએ નોંધાવેલ ફરિયાદ આધારે પોલીસે કારચાલક સામેથી ગુનો નોંધીને આરોપીને પકડવા માટે તજવીજ શરૂ કરી છે
