મોરબીના પંચાસર રોડનો બનાવ : નવા બનતા બહુમાળી બીલ્ડીંગના પાંચમા માળેથી પટકાતાં યુવાનનું મોત
Morbi Today
મોરબીના જાંબુડીયા ગામે ખાણમાં ન્હાવા ગયેલ બાળકનું ડૂબી જવાથી મોત
SHARE
JOIN OUR GROUP
મોરબીના જાંબુડીયા ગામે ખાણમાં ન્હાવા ગયેલ બાળકનું ડૂબી જવાથી મોત
મોરબી નજીકના જાંબુડીયા ગામે ખાણના ખાડામાં ભરાયેલ વરસાદી પાણીમાં ન્હાવા ગયેલ બાળકનું ડૂબી જવાથી મોત નિપજતાં નાના એવા ગામમાં અરેરાટી વ્યાપી ગઈ હતી.
મોરબી તાલુકા પોલીસ મથકના સૂત્રોમાંથી મળતી માહિતી મુજબ મોરબી-વાંકાનેર હાઇવે ઉપર આવેલા જાંબુડીયા ગામની સીમમાં ખાણના ખાડાઓમાં ભરાયેલ વરસાદી પાણીમાં નાહવા માટે ગયેલ જતીન જેસિંગભાઇ ખરા નામના તેર વર્ષીય બાળકનું ખાણના ખાડાઓમાં ભરાયેલ વરસાદી પાણીમાં ડૂબી જવાથી મોત નીપજ્યું છે.બનાવને પગલે મૃતકના ડેડબોડીને મોરબી સિવિલ હોસ્પિટલ ખાતે પીએમ માટે ખસેડવામાં આવ્યુ હતુ અને બીટ જમાદાર એ.એલ.પરમારે આગળની તપાસ હાથ ધરી હોવાનું સુત્ર દ્રારા જાણવા મળેલ છે.
વાહન અકસ્માતમાં ઈજા
મોરબીના લાતી પ્લોટ પાસે આવેલા જોન્સનગર વિસ્તારમાં રહેતા મહેબુબભાઇ રસુલભાઇ મોવર નામના ૫૬ વર્ષિય આધેડ મોરબીના વિજયનગર પાસેની મદીના સોસાયટી નજીકથી બાઈકમાં પાછળના ભાગે બેસીને જતા હતા ત્યારે બાઇકના પાછળના ભાગેથી તેઓ પડી ગયા હતા જેથી કરીને મહેબુબભાઇ મોવરને ઇજાઓ થતાં તેઓને ક્રિષ્ના હોસ્પિટલ ખાતે સારવાર માટે લાવવામાં આવ્યા હતા બનાવની જાણ થતાં પોલીસે નોંધ કરીને આગળની તપાસ હાથ ધરી છે.
