મોરબીમાં ઉમિયા સર્કલ નજીક છોટા હાથીના ચાલકે સાઇકલને હડફેટે લેતા યુવાનનું મોત

મોરબીમાં ઉમિયા સર્કલથી અવની ચોકડી તરફ જવાના રસ્તા ઉપરથી યુવાન સાયકલ લઈને પસાર થઈ રહ્યો હતો ત્યારે છોટા હાથીના ચાલકે તેની સાયકલને હડફેટે લીધી હતી જેથી કરીને અકસ્માત થયો હતો અને અકસ્માતના બનાવમાં યુવાનને ગંભીર ઇજા થઈ હોવાથી તેનું મોત નીપજ્યું હતું જે બનાવ સંદર્ભે હાલમાં તેના પિતરાઈ ભાઈએ મોરબી એ ડિવિઝન પોલીસ સ્ટેશન ખાતે ફરિયાદ નોંધાવી છે જેના આધારે પોલીસે ગુનો નોંધી આરોપીને પકડવા માટે ચક્રોગતિમાન કર્યા છે

બનાવની જાણવા મળતી માહિતી મુજબ હિમાચલ પ્રદેશના રહેવાસી અને હાલમાં મોરબીની અવની ચોકડી પાસે આવેલ મહાલક્ષ્મી એપાર્ટમેન્ટમાં વોચમેન તરીકે કામ કરતા અને ત્યાં પાર્કિંગમાં ઓરડીમાં રહેતા રમણસિંહ હરિસિંહ જાતે નેપાળી (૨૪) નામના યુવાને છોટા હાથી નંબર જીજે ૩૬ વી ૨૬૧૧ ના ચાલક સામે ફરિયાદ નોંધાવી છે જેમાં તેને જણાવ્યું છે કે, મોરબીમાં ઉમિયા સર્કલથી અવની ચોકડી તરફ જવાના રસ્તા ઉપર ખોડિયારનગરના નાકા પાસેથી તેનો કાકાનો દીકરો કેશવસિંગ ગોમરસિંગ નેપાળી (૧૯) સાયકલ લઈને જઈ રહ્યો હતો ત્યારે છોટા હાથીના ચાલકે તેની સાયકલને હડફેટે લીધી હતી જેથી કરીને ફરિયાદીના કાકાના દીકરાને પેટ અને પીઠના ભાગે ગંભીર ઈજા થઈ હતી અને ઇજા પામેલ હાલતમાં તેનું મોત નીપજ્યું હતું અને અકસ્માત સર્જીને વાહન ચાલક પોતાનું વાહન લઇને નાસી ગયો હતો જેથી કરીને હાલમાં ભોગ બનેલા યુવાનના પિતરાઈ ભાઈએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે

ઝેરી પાઉડર પીધો

મોરબી નજીકના લીલાપર ગામે રહેતો સુનિલ બાલચંદ વાદી (૩૦) નામનો યુવાન કોઈ અગમ્ય કારણોસર ઝેરી પાવડર પી ગયો હતો જેથી કરીને તેને અર્ધબેભાન હાલતમાં સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી કરેલ છે અને આ બનાવની પ્રાથમિક તપાસ મોરબી તાલુકા પોલીસ સ્ટેશનના સબળસિંહ સોલંકી ચલાવી રહ્યા છે

બાઇક અથડાયા

મોરબી તાલુકાના આમરણ પાસે જામનગર રોડ ઉપર રહેતા ઇસ્માઈલભાઈ મકબુલભાઈ મોવર (૨૨) નામનો યુવાન બાઈક લઈને આમરણ ટોલનાકા નજીકથી જતો હતો ત્યારે અન્ય બાઇક સાથે બાઇક અથડાયું હતું જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપીને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ મોરબી તાલુકા પોલીસ સ્ટેશનના ફિરોજભાઈ સુમરા દ્વારા કરવામાં આવી હતી