મોરબીના પીપળીયા રેલવે સ્ટેશન પાસે ધર્માદાના રૂપિયા બાબતે યુવાનને બે શખ્સોએ છરીના ઘા ઝીંકી દીધા
Morbi Today
મોરબી : જગતતાતને કનડતો ખાતરનો ભાવ વધારો પાછો ખેંચવા માંગ
SHARE
JOIN OUR GROUP
મોરબી : જગતતાતને કનડતો ખાતરનો ભાવ વધારો પાછો ખેંચવા માંગ
હાલમાં ખેડૂતો એટલે કે જગતનાતાતને કનડતા ખાતરના ભાવોમાં કમરતોળ ભાવ વધારાને લઇને ઇન્ટરનેશનલ હ્યુમન રાઇટ્સ એસોસિયેશન દ્રારા મુખ્યમંત્રી ભુપેન્દ્ર પટેલને લેખીતમાં રજૂઆત કરવામાં આવેલ છે.
હાલમાં ખેડૂતો પહેલા અનાવૃષ્ટિ અને પછી અતિવૃષ્ટિનો ભોગ બનેલ છે.ત્યારે સરકાર તરફથી તેઓને યોગ્ય વળતર ચુકવવામાં આવેલ નથી અને ઉપરથી ખેડૂતોને જાણે કે મરવા માટે મજબુર કરવા હોય તેવી રીતે ખાતરના ભાવમાં પણ અસહ્ય વધારો કરવામાં આવેલ છે.ખાતરનો આ ભાવ વધારો ખેડૂતોના મૃત્યઘંટ સમાન સાબિત થશે.ખેડૂતો એક તો હેરાન છે અને ઉપરથી આ વધારો ખેડૂતોને વધારે પરેશાન કરનાર સાબિત થશે. ખેડૂતો પાયમાલ થઇ જશે અને સામાન્ય નાગરીકોને પણ અનાજ, શાકભાજી વગેરેમાં ભાવ વધારાનો સામનો કરવો પડશે.એક તો સામાન્ય લોકો પેટ્રોલ, ડીઝલ અને ગેસના ભાવવધારાથી પરેશાન છે અને હવે અનાજ તેમજ શાકભાજીના ભાવ વધારાનો ભોગ બનશે.આમ તો ચોમેર મોઘવારીએ મજા મૂકી છે. ગરીબ તેમજ સામાન્ય લોકોને જીવન નિર્વાહ કરવું કઠીન બની ગયું છે.તેવામાં આ વધારો યોગ્ય નથી.માટે ઇન્ટરનેશનલ હ્યુમન રાઇટ્સ એસોસિયેશનના જનરલ સેક્રેટરી કાન્તિલાલ ડી. બાવરવાએ રાજયના મુખ્યમંત્રી સમક્ષ માંગણી કરેલ છે કે આ ખાતરનો ભાવ વધારો પાછો ખેચવામાં આવે અને જો આવું કરવામાં નહી આવે તો ખેડૂતોને સાથે રાખીને લોકહીત કાજે છુટકે જલદ આંદોલન કરવાની ફરજ પડશે.
