મોરબીમાં બી ડિવિઝન પોલીસ સ્ટેશન પાસે બાઈક ઓવરટેક કરવા મુદ્દે યુવાનને માર માર્યો
Morbi Today
મોરબીમાં વાહન અકસ્માતમાં ઇજા થતાં યુવાન રાજકોટ ખસેડાયો
SHARE
JOIN OUR GROUP
મોરબીમાં વાહન અકસ્માતમાં ઇજા થતાં યુવાન રાજકોટ ખસેડાયો
મોરબીના સામાકાંઠે નેશનલ હાઇવે વિશાલ ફર્નિચર પાસે પગપાળા જઈ રહેલા મૂળ બિહારના મીશ્રાભાઇ પાંડે નામના ૨૮ વર્ષના યુવાનને કોઇ અજાણ્યા વાહનના ચાલકે હડફેટે લેતા ઈજાગ્રસ્ત થયેલા મિશ્રાભાઈને અત્રેની સિવિલે ખસેડાયા હતા જ્યાં પ્રાથમિક સારવાર આપીને તેને વધુ સારવાર માટે રાજકોટ લઇ જવાયો હોવાનું જાણવા મળેલ છે.જ્યારે મોરબીના જેતપર રોડ ઉપર આવેલા બ્લુઝોન સિરામીકની પાસે બાઇક સ્લીપ થઇ જવાના બનેલા બનાવમાં ઇજાઓ થવાથી મહેશભાઈ દેવજીભાઈ પરમાર નામના ૩૭ વર્ષીય યુવાનને ઇજાઓ થતા આયુષ હોસ્પિટલ ખાતે સારવારમાં ખસેડાયો હતો જેથી તાલુકા પોલીસ મથકના આર.બી.વ્યાસે આગળની તપાસ હાથ ધરી છે.
વાહન અકસ્માતમાં ઈજા
મોરબીના રવાપર રોડ કાલીકા પ્લોટ વિસ્તારમાં રહેતો યુસુફભાઈ ઉમરભાઈ કાસમાણી નામનો ૪૫ વર્ષીય યુવાન અહિંના જૂના બસ સ્ટેશન પાસે પ્રફુલ ભજીયાવાળી શેરી નજીકથી પસાર થતો હતો ત્યારે સ્કુટર-બાઇકની વચ્ચે થયેલા વાહન અકસ્માતના બનાવમાં ઇજાઓ થતાં તેને સિવિલે સારવારમાં ખસેડાયો હતો.જ્યારે મોરબીના વાંકાનેર હાઇવે ઉપર જાંબુડીયા નજીકના કલ્યાણ સીરામીક પાસે રહેતો સુરેશભાઇ ધીરૂભાઈ મગવાણીયા નામનો યુવાન પત્ની સાથે બાઈકમાં જતો હતો ત્યારે પાડધરા નજીક બાઇક સાથે બાઈક અથડાતા અકસ્માત સર્જાયો હતો જેમાં ઇજાઓ થવાથી સુરેશભાઈને આયુષ હોસ્પીટલે સારવારમાં ખસેડાયો હતો.
યુવાન સારવારમાં
હળવદ તાલુકાના સાપકડા ગામનો રહેવાસી અશોકભાઈ મોહનભાઈ રાંતોજા નામનો યુવાન ઘરેથી બાઇક લઇને જતો હતો ત્યારે સામખિયાળી નજીક આવેલા અજન્તા કારખાના પાસે તેના બાઇકને કોઈ અજાણ્યા ટ્રક ચાલકે હડફેટે લેતા માથાના ભાગે ઈજાગ્રસ્ત હાલતમાં અશોક રાંતોજાને અહીંની આયુષ હોસ્પીટલે સારવારમાં લાવવામાં આવ્યો હતો.જયારે હળવદના રેલ્વે સ્ટેશન રોડ ઉપર રહેતો હિતેષ ભવાનભાઈ કણજારીયા નામનો ૨૧ વર્ષનો યુવાન ધાંગધ્રા ગયો હતો ત્યાં ધાંગધ્રાના બસ સ્ટેશન પાસે તેનું બાઇક સ્લીપ થઇ જતાં હિતેષ કણજારીયાને પણ સારવાર માટે આયુષ હોસ્પિટલે લાવવામાં આવ્યો હતો.
