મોરબીના સોખડા ગામ નજીક યુવાને ટેન્કર ચાલકે ધોકા વડે માર માર્યો
SHARE
JOIN OUR GROUP
મોરબીના સોખડા ગામ નજીક યુવાને ટેન્કર ચાલકે ધોકા વડે માર માર્યો
મોરબી તાલુકાના સોખડા ગામ પાસે યુવાનને ટેન્કરના ડ્રાઈવરે ધોકા વડે માર મારતા ઈજા પામેલા યુવાનને સારવાર માટે ૧૦૮ મારફતે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબી માળિયા હાઇવે રોડ ઉપર આવેલ સોખડા ગામે રહેતા દિનેશભાઈ જીવાભાઈ બસાણીયા (૩૫) નામના યુવાનને ગત તા. ૧૨/૩ ના રોજ બપોરના બે વાગ્યાના અરસામાં સોખડા ગામના પાટીયા પાસે એ.જે. કારખાનાના ટેન્કરના ડ્રાઈવરે ધોકા વડે માર માર્યો હતો જેથી ઈજા પામેલા યુવાનને ૧૦૮ મારફતે સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને સિવિલ હોસ્પિટલને તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરીને આગળની કાર્યવાહી હાથ ધરી છે અને વધુ તપાસ જે.બી. પરમાર ચલાવી રહ્યા છે જોકે, યુવાનને કયા કારણોસર માર મારવામાં આવ્યો હતો તે દિશામાં હવે તાલુકા પોલીસ દ્વારા આગળની તપાસ શરૂ કરવામાં આવેલ છે
અકસ્માતમાં ઇજા
મોરબીના ભડીયાદ રોડ ઉપર આવેલ બોદ્ધનગરમાં રહેતા દીપકભાઈ દેવજીભાઈ મુછડીયા રાત્રિના ૧૦:૩૦ વાગ્યે તેના મોટાભાઈ હિતેશભાઈ સાથે એકટીવા લઈને ટિંબડી ગામના પાટીયા પાસેથી લક્ષ્મીનગર ગામ તરફ જતા હતા ત્યારે તેઓના એકટીવાની આડે કૂતરું ઉતર્યું હતું જેથી અકસ્માતનો બનાવ બન્યો હતો અને અકસ્માતના બનાવમાં ઈજા થવાથી દીપકભાઈને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
