મોરબીની નવયુગ મહિલા સાયન્સ કોલેજની ત્રણ વિદ્યાર્થિનીઓએ ગોલ્ડમેડલ મેળવી ઇતિહાસ રચ્યો
SHARE
JOIN OUR GROUP
મોરબીની નવયુગ મહિલા સાયન્સ કોલેજની ત્રણ વિદ્યાર્થિનીઓએ ગોલ્ડમેડલ મેળવી ઇતિહાસ રચ્યો
સૌરાષ્ટ્ર યુનિવર્સિટી દ્વારા તાજેતરમાં પદવિદાન સમારોહનું આયોજન કરવામાં આવ્યું હતું જેમાં રાજ્યપાલ આચાર્ય દેવવ્રતજી, શિક્ષણ મંત્રી ઋષિકેશભાઇ પટેલ અને પ્રકુલ પાનેસરીયા તેમજ કુલપતિ શ્રીમતી નિલાબંરીબેન દવે અને યુનિવર્સિટીના પદાધિકારીઓ હાજર રહ્યા હતા ત્યારે આ પદવિદાન સમારંભમાં મોરબી જિલ્લાનું ગૌરવ વધારતા નવયુગ મહિલા સાયન્સ કોલેજની 3 દિકરીઓએ ગોલ્ડમેડલ પ્રાપ્ત કર્યો છે. આ વિશિષ્ટ સન્માન મોરબીની કોઈ કોલેજને આજ દિવસ સુધી પ્રાપ્ત થયું નથી. આ કોલેજની પંડ્યા પ્રેક્ષાએ B.Sc (Mathematics), આદ્રોજા માનસી B.Sc (Microbiology) અને વડાવિયા રાધિકાએ B.Sc (Botany) માં ગોલ્ડ મેડલ મેળવેલ છે જે સૌરાષ્ટ્ર યુનિવર્સિટીની તમામ કોલેજોના સ્ટુડન્ટ્સ કરતા જે તે વિષયમાં ઉચ્ચ ગુણાંક પ્રાપ્ત કરવાથી મળે છે. આ ત્રણેય સ્ટુડન્ટએ નવયુગની કાર્યપ્રણાલી, ગુરૂજનો, પી. ડી. કાંજીયા અને માતાપિતાને સફળતાનો શ્રેય આપ્યો હતો. આ અભુતપુર્વ સિધ્ધિ મેળવવા બદલ સંસ્થાના પ્રમુખ પી.ડી. કાંજીયાએ ત્રણેય સ્ટુડન્ટ્સને બીરદાવ્યા હતા અને ઉજ્જવળ ભવિષ્ય માટે આશિર્વાદ આપ્યા હતા.
