મોરબીમાં નોકરી અપાવવાના બહાને લઈ ગયા બાદ પરણીતા સાથે દુષ્કર્મ, આરોપીની ધરપકડ-જેલ હવાલે મોરબી તાલુકામાંથી સગીરાનું અપહરણ કરવાના ગુનામાં એક આરોપીની ધરપકડ મોરબીમાં સગીરા સાથે દુષ્કર્મ આચારવાના ગુનામાં બે આરોપીની ધરપકડ મોરબીમાં યુવાનને જાનથી મારી નાખવાની ધમકી આપીને વ્યાજની પઠાણી ઉઘરાણી કરવાના ગુનામાં વધુ એક આરોપીની ધરપકડ મોરબીમાં સમસ્ત હિન્દુ સેવા ગ્રુપ ગુજરાત દ્વારા સર્વજ્ઞાતિ સમૂહલગ્નનું આયોજન મોરબીમાં રબારી અને ભરવાડ સમાજની સભામાં શિક્ષણ, સંગઠન અને રાજકારણ ઉપર ભાર મુક્તા આગેવાનો મોરબીમાં ધક્કાવાળી મેલડી માતાજીના નવરંગ માંડવાનું આયોજન: ચૈત્રી નવરાત્રી નિમિતે રાસ ગરબાનું આયોજન હળવદના રાયસંગપર-મયુરનગર વચ્ચે નજીવી વાતમાં યુવાનને ચાર શખ્સોએ પાઇપ-ધોકા વડે મારમાર્યો

Breaking news

Morbi Today

ટંકારા નજીક કાર ચાલકે ડબલ સવારી બાઇક હડફેટ લેતા ઇજા પામેલા બંને યુવાન સારવારમાં

24-02-2024 10:16 AM

ટંકારા નજીક કાર ચાલકે ડબલ સવારી બાઇક હડફેટ લેતા ઇજા પામેલા બંને યુવાન સારવારમાં

મોરબી ટંકારા હાઇવે રોડ ઉપર આવેલ દાદાવાડી હોટલ પાસે કાર ચાલકે ડબલ સવારી બાઇકને હડફેટ લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં ઇજા પામેલા બંને યુવાનોને સારવાર માટે હોસ્પિટલે ખસેડવામાં આવ્યા હતા અને ત્યારબાદ કાર ચાલક સામે ફરિયાદ નોંધાવવામાં આવી છે જેના આધારે પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે

જાણવા મળતી માહિતી મુજબ જામનગરમાં વોર્ડ નં-૫ માં આવેલ રાજનગર પાસે ખોડીયાર કોલોનીમાં રહેતા સનીભાઈ નિલેશભાઈ પરમાર જાતે કોળી (૨૩)એ હાલમાં ટંકારા તાલુકા પોલીસ સ્ટેશન ખાતે બ્રેઝા ગાડી નંબર જીજે ૩૬ આર ૮૬૪૮ ના ચાલક સામે ફરિયાદ નોંધાવી છે જેમાં જણાવ્યું છે કે, મોરબી રાજકોટ હાઇવે રોડ ઉપર આવેલ દાદાવાડી હોટલ પાસેથી ફરિયાદી અને તેની સાથે સાહેદ હર્ષદીપ બંને બાઈક નંબર જીજે ૧૦ બીકયું ૩૨૭૮ લઈને પસાર થઈ રહ્યા હતા ત્યારે આરોપીએ તેના હવાલા વાળી ગાડી બેફિકરાઇથી ચલાવીને ફરિયાદીના બાઈકને હડફેટે લીધી હતી જેથી કરીને ફરિયાદી યુવાન તથા તેની સાથે બાઈક પર બેઠેલ હર્ષદીપને શરીરે ઇજાઓ થઈ હતી અને હર્ષદીપને ડાબા પગમાં ફેક્ચર જેવી ઇજા થયેલ છે જેથી બંને ઈજાગ્રસ્તોને સારવાર માટે હોસ્પિટલે ખસેડવામાં આવ્યા હતા અને સારવાર લીધા બાદ સનીભાઈ પરમારે હાલમાં ટંકારા તાલુકા પોલીસ સ્ટેશન ખાતે ગાડીના ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે

કપડાં ધોવાનું લિક્વિડ પી ગયો

માળિયા તાલુકામાં આવતા ન્યુ નવલખી ખાતે રહેતો હુસેન સુભાનભાઈ મોવર (૧૮) નામનો યુવાન કોઈ કારણોસર ઘરે કપડાં ધોવાનું બ્લીચિંગ લિક્વિડ પી ગયો હતો જેથી કરીને તેને તાત્કાલિક સારવાર માટે મોરબી શહેરના શનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી સીટી એ ડિવિઝન પોલીસને પ્રથમ જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે અને આ બનાવની પ્રાથમિક તપાસ હરેશભાઈ ચાવડા દ્વારા કરવામાં આવી હતી