મોરબીમાં જુના બસ સ્ટેશન પાસે યુવાન સહિત ત્રણ વ્યક્તિઓને ચાર શખ્સોએ માર માર્યો
Morbi Today
વાંકાનેરમાં છ મહિના પહેલા થયેલ અકસ્માતના બનાવનો ખાર રાખીને યુવાન ઉપર ચપ્પા વડે હુમલો !
SHARE
JOIN OUR GROUP
વાંકાનેરમાં થોડા સમય પહેલા સામસામે બાઈક અથડાવાની ઘટના બની હતી જે બાબતનો ખાર રાખીને યુવાન ઉપર બે શખ્સો દ્વારા હુમલો કરવામાં આવ્યો હતો અને ત્યારે તેને છરી વડે શરીરને માર મારીને જાનથી મારી નાખવાની ધમકી આપવામાં આવી હતી જેથી કરીને ભોગ બનેલા યુવાને સારવાર લીધા બાદ વાંકાનેર સિટી પોલીસ સ્ટેશન ખાતે બે શખ્સોની સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ વાંકાનેર ના દિવાનપરા વિસ્તારમાં રહેતા અને મંડપ સર્વિસનો ધંધો કરતા અમિતભાઈ ભરતભાઈ સોલંકી જાતે કોળી (૩૮)એ હાલમાં વાંકાનેર સિટી પોલીસ સ્ટેશન ખાતે શૈલેષભાઈ જયંતીભાઈ કોળી અને રાહુલભાઈ વિજયભાઈ ઉઘરેજા રહે. બંને વેલનાથ પરા વાંકાનેર વાળાની સામે ફરિયાદ નોંધાવી છે જેમાં તેણે જણાવ્યું છે કે વાંકાનેરના રામચોક બ્રાહ્મણ વાડી પાસેથી ફરિયાદી યુવાન જઇ રહ્યો હતો ત્યારે બાઈક લઈને બંને આરોપીઓ તેની પાસે આવ્યા હતા અને છ મહિના પહેલા સામસામે બાઈક અથડાવાની ઘટના બની હતી જે બાબતનો ખાર રાખીને બંને આરોપીઓએ ફરિયાદી યુવાનને ગાળો આપી હતી અને ત્યારે યુવાને ગાળો આપવાની ના પાડતા તે તેઓને સારું લાગ્યું ન હતું અને ત્યારે આરોપી શૈલેષભાઈના હાથમાં રહેલ ચાકા વડે તેને ફરિયાદી યુવાનને ડાબી આંખ, ડાબા કાન અને ગળા ઉપર ઇજા કરી હતી તેમજ રાહુલભાઈએ ઢીકાપાટુનો માર માર્યો હતો અને બંને આરોપીઓએ ફરિયાદી યુવાનને જાનથી મારી નાખવાની ધમકી આપી હતી જેથી કરીને ભોગ બનેલા યુવાન દ્વારા વાંકાનેર સિટી પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે આ અંગેની આગળની વધુ તપાસ વનરાજસિંહ અભેસિંહ ઝાલા ચલાવી રહ્યા છે
