મોરબીના વાઘપરામાંથી દારૂની ૧૧ બોટલ સાથે નીકળેલા બે શખ્સ પકડાયા

મોરબીમાં વાઘપરા શેરી નંબર-૧૭ ના નાકા પાસેથી પસાર થઈ રહેલા બે શખ્સોને રોકીને પોલીસ દ્વારા ચેક કરવામાં આવ્યા હતા ત્યારે તેની પાસેથી અલગ અલગ બ્રાન્ડની દારૂની કુલ મળીને ૧૧ બોટલો મળી આવી હતી જેથી કરીને પોલીસે તેની પાસેથી ૫,૯૬૦ રૂપિયાની કિંમતનો દારૂનો જથ્થો કબજે કર્યો હતો અને મોરબી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

જાણવા મળતી માહિતી મુજબ મોરબી એ ડિવિઝન પોલીસની ટીમ પેટ્રોલિંગમાં હતી ત્યારે વાઘપરા શેરી નંબર-૧૭ ના નાકા પાસેથી બે શખ્સો પસાર થઈ રહ્યા હતા જેને રોકીને પોલીસ દ્વારા ચેક કરવામાં આવ્યા હતા ત્યારે તે બંને શખ્સો પાસેથી દારૂની જુદી જુદી બ્રાન્ડની કુલ મળીને ૧૧ બોટલો મળી આવી હતી જેથી કરીને પોલીસે ૫,૯૬૦ ની કિંમતનો મુદ્દામાલ કબજે કર્યો હતો અને ઉમેશભાઈ મગનભાઈ ડાંગર જાતે બોરીચા આહીર (૩૩) રહે. લખધીરવાસ શેરી નંબર-૩ મોરબી અને મહેશભાઈ ઝવેરભાઈ લખવાણી જાતે સિંધી (૩૧) રહે. રાધા પાર્ક વાવડી રોડ મોરબી વાળાની ધરપકડ કરી હતી અને તેની સામે મોરબી એ ડિવિઝન પોલીસ સ્ટેશન ખાતે ગુનો નોંધીને આ શખ્સો પાસેથી મળી આવેલ દારૂની બોટલ તે ક્યાંથી લાવ્યા હતા તે દિશામાં પોલીસે તપાસ શરૂ કરી છે

મારામારીમાં ઈજા થતા સારવારમાં

મોરબીના મકનસર ગામ પાસે બે જુદી-જુદી મારામારીના બનાવો બન્યા હતા. જેમાં મકનસર ગામે થયેલ મારામારીમાં મકનસરના રહેવાથી શૈલેષભાઈ દયાલજીભાઈ વસવેલીયા નામના ૪૦ વર્ષના યુવાનને મારામારીમાં ઈજા થતા સારવાર માટે ખાનગી હોસ્પિટલે લઈ જવાયો હતો.તે રીતે જ મોરબીના મકનસર ગામે આવેલા ગુરુકૃપા કોમ્પ્લેક્સમાં રહેતા ગજાનંદ હીરાલાલ શર્મા (ઉમર ૨૮) નામના યુવાનને મકાનસર ગામ પાસે આવેલ એક્સલ સીરામીક પાસે મારામારીના બનાવમાં ઇજાઓ થઈ હતી જેથી તેને અત્રેની સરકારી હોસ્પિટલ ખાતે સારવાર માટે લાવવામાં આવ્યો હતો આ બંને બનાવોની તાલુકા પોલીસ મથકે જાણ કરાતા તે બીટ વિસ્તારના જમાદાર એ.એમ.જાપડીયા દ્વારા નોંધ કરીને તપાસ હાથ ધરાઈ હતી.