મોરબીની રવિરાજ ચોકડી અચાનક ચક્કજામ કરનારા ૨૨ શખ્સો સામે ગુનો નોંધાયો: ૧૦ની ધરપકડ
Morbi Today
મોરબીમાં દુકાનમાંથી ત્રણ ચાઈનીઝ ફીરકી સાથે વેપારીની ધરપકડ
SHARE
JOIN OUR GROUP
મોરબીમાં દુકાનમાંથી ત્રણ ચાઈનીઝ ફીરકી સાથે વેપારીની ધરપકડ
મકરસંક્રાંતિને ધ્યાનમાં રાખીને કલેકટર દ્વારા મોરબી જિલ્લામાં ચાઈનીઝ દોરીના વેચાણ અને સંગ્રહ ઉપર પ્રતિબંધ મુકવામાં આવેલ છે તેમ છતાં પણ કેટલીક જગ્યાઓ ચાઈનીઝ દોરીનું વેચાણ થતું હોય તેવું સામે આવતું હોય છે દરમિયાન મોરબી સીટી એ ડિવિઝનની ટીમ દ્વારા મોરબીના રેલ્વે સ્ટેશન રોડ ઉપર આવેલ આશાપુરા સિઝન સ્ટોર ખાતે ચેક કરવામાં આવ્યું હતું ત્યારે ત્યાંથી ચાઈનીઝ દોરાની ત્રણ ફીરકી મળી આવતા પોલીસે મુદ્દામાલ કબજે કરીને વેપારી સામે જાહેરનામા ભંગનો ગુનો નોંધી આગળની રાબેતા મુજબની કાર્યવાહી હાથ ધરી હતી
મકરસંક્રાંતિના દિવસે લોકો પતંગ ઉડાવવાની મજા લેતા હોય છે પરંતુ કપાયેલ પતંગની દોરી ઘણી વખત લોકોને ઈજા કરતી હોય છે તેમજ અમુક સમયે જીવલેણ પણ સાબિત થતી હોય છે એવું અગાઉ અનેક વખત થયું છે જેને ધ્યાનમાં રાખીને ચાઈનીઝ દોરીના વેચાણ અને સંગ્રહ ઉપર પ્રતિબંધ મૂકવામાં આવેલ છે તેમજ તુક્કલના કારણે ઘણી વખત આગ લાગવાની ઘટનાઓ બનતી હોય છે જેથી કરીને તેના પણ વેચાણ અને સંગ્રહ ઉપર પ્રતિબંધ મૂકવામાં આવે છે જેને લગતું જાહેરનામું મોરબી જિલ્લા કલેકટર દ્વારા પ્રસિદ્ધ કરવામાં આવ્યું છે અને તેની અમલવારી સ્થાનિક પોલીસ મથક દ્વારા કરવાની થતી હોય છે તેવામાં મોરબી સીટી એ ડિવિઝન પોલીસની પેટ્રોલિંગમાં હતી ત્યારે મોરબીના રેલ્વે સ્ટેશન રોડ ઉપર આવેલ આશાપુરા સિઝન સ્ટોર નામની દુકાન ખાતે ચેક કરવામાં આવ્યું હતું ત્યારે પ્રતિબંધિત ચાઈનીઝ દોરાની ત્રણ ફીરકી મળી આવી હતી જેથી પોલીસે ૧૫૦૦ રૂપિયાની કિંમતનો મુદ્દામાલ કબજે કર્યો હતો અને આરોપી જીતેન્દ્રભાઈ લક્ષ્મણભાઈ દેવડા જાતે રજપૂત (૫૩) રહે. સોમૈયા સોસાયટી, વાવડી રોડ મોરબી વાળાની ધરપકડ કરી હતી અને મોરબી એ ડિવિઝન પોલીસ સ્ટેશન ખાતે જાહેરમાં ભંગ સબબ ગુનો નોંધી પોલીસ આગળની રાબેતા મુજબની કાર્યવાહી હાથ ધરી હતી
