વાંકાનેર તાલુકમાં દારૂની બે રેડ: ૩૧ બોટલ દારૂ-૪૦ બીયરના ટીન કબજે, એક આરોપી પકડાયો-એકની શોધખોળ

વાંકાનેર તાલુકાનાં લાકડધાર ગામની સીમમાં તળાવ પાસે ખરાબમાંથી દારૂની બોટલો તથા બિયરના ટીન મળી આવ્યા છે જેથી પોલીસે કુલ મળીને ૧૪,૬૦૦ ની કિંમતના મુદ્દામાલ કબજે કર્યો હતો અને ત્યારે સ્થળ ઉપરથી કાયદાના સંઘર્ષમાં આવેલ બાળકીશોર ત્યાં હાજર મળી આવતા તેને કબજામાં લઈને આગળની કાર્યવાહી હાથ ધરી હતી અને તેની પાસેથી એક શખ્સનું નામ સામે આવ્યું હોય પોલીસે તેની સામે ગુનો નોંધીને આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ વાંકાનેર તાલુકા પોલીસની ટીમને લાકડધાર ગામ પાસે આવેલ તળાવ નજીક ખરાબાની જગ્યામાં દારૂનો જથ્થો હોવા અંગેની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની ૨૮ બોટલો તેમજ બિયરના ૪૦ ટીન મળી આવ્યા હતા જેથી કરીને કુલ મળીને ૧૪,૬૦૦ ની કિંમતનો મુદ્દામાલ પોલીસ દ્વારા સ્થળ ઉપરથી કબજે કરવામાં આવ્યો હતો અને સ્થળ ઉપરથી કાયદાના સંઘર્ષમાં આવેલ એક બાળકિશોર હાજર મળી આવતા પોલીસે તેને કબજામાં લઈને આગળની રાબેતા મુજબની કાર્યવાહી હાથ ધરી હતી અને વધુમાં તેની પાસેથી મહેશ ઉર્ફે ભૂરો ભનાભાઈ અણીયારા જાતે કોળી રહે. લાકડધાર તાલુકો વાંકાનેર વાળાનું નામ સામે આવતા પોલીસે તેને પકડવા માટે તજવીજ શરૂ કરેલ છે

ત્રણ બોટલ દારૂ

વાંકાનેર તાલુકાના રંગપર ગામની સીમમાંથી મેસરિયા ગામ તરફ જવાના રસ્તા ઉપર પસાર થઈ રહેલા શખ્સને રોકીને ચેક કર્યો હતો ત્યારે તેની પાસેથી દારૂની ત્રણ બોટલો મળી આવતા પોલીસે ૧૧૨૫ ની કિંમતનો દારૂનો જથ્થો કબજે કર્યો હતો અને અજીતભાઈ બાબુભાઈ તકમરીયા જાતે કાઠી દરબાર (૩૧) રહે. જાની વડલા તાલુકો ચોટીલા વાળો મળી આવતા પોલીસે તેને ધરપકડ કરી વાંકાનેર તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે અને આ દારૂની બોટલો તે કોની પાસેથી લાવ્યો હતો તે દિશામાં પોલીસ દ્વારા આગળની તપાસ શરૂ કરવામાં આવી છે