માળીયા (મી)ના સરવડ પાસે ટ્રક ચાલકે બાઈકને હડફેટે લેતા પગ કપાઈ જવાથી યુવાનનું મોત

માળીયા મીયાણા તાલુકાના સરવડ ગામ પાસે બાઈકને ટ્રક ચાલકે હડફેટે લેતા અકસ્માતનો બનાવ બન્યો હતો જેમાં બાઈક ઉપર જઈ રહેલા યુવાનને કપાળ, આંખ તેમજ હાથે પગે ગંભીર ઇજા થઈ હતી તેમજ ડાબો પગ કપાઈ ગયો હતો જેથી તે યુવાનનું મોત નીપજયું હતું અને આ અકસ્માત મૃત્યુના બનાવમાં હાલમાં મૃતક યુવાનના કાકાએ માળીયા મીયાણા તાલુકા પોલીસ સ્ટેશન ખાતે ફરિયાદ નોંધાવી છે જેના આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ મોરબીમાં વાવડી રોડ ઉપર આવેલ ભગવતીપરામાં રહેતા દાનાભાઈ જસાભાઈ ટોયટા જાતે ભરવાડ (૪૫)એ હાલમાં માળિયા મિયાણા તાલુકા પોલીસ સ્ટેશન ખાતે ટ્રક નંબર જીજે ૭ યુયુ ૩૨૩૮ ના ચાલક સામે ફરિયાદ નોંધાવી છે જેમાં તેને જણાવ્યુ છે કે, તેઓનો ભત્રીજો રમેશભાઈ ભલાભાઇ ટોયેટા જાતે ભરવાડ (૩૨) પોતાનું બાઈક નંબર જીજે ૩૬ એન ૨૩૭૫ લઈને માળિયા મીયાણા તાલુકાના સરવડ ગામ પાસેથી પસાર થઈ રહ્યો હતો ત્યારે ટ્રક ચાલકે તેના બાઇકને હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં રમેશભાઈને કપાળ, આંખ, જમણા હાથ અને જમણા પગમાં ગંભીર ઈજા થઈ હતી અને ડાબો પગ કપાઈ જતા રમેશભાઈનું મોત નીપજ્યું હતું તેમજ ટ્રકમાં ડ્રાઇવરની સાથે બેઠેલા અન્ય વ્યક્તિઓને પણ નાના મોટી ઈજાઓ થઈ હતી અને અકસ્માત સર્જીને ટ્રક ચાલક પોતાના હવાલા વાળો વાહન મૂકીને નાસી ગયો હતો જેથી કરીને હાલમાં મૃતક યુવાનના કાકાએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે

એક બોટલ દારૂ

મોરબીના વીસીપરા મેઈન રોડ ઉપરથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની એક નાની બોટલ મળી આવતા પોલીસે ૧૦૦ ની કિંમતની દારૂની બોટલ કબજે કરી મુકેશભાઈ દિલીપભાઈ કુંઢીયા જાતે દેવીપુજક (૨૭) રહે વેજીટેબલ રોડ ભીમસર ગંજીવાડામાં મોરબી વાળાની ધરપકડ કરી હતી અને તેની સામે મોરબી બી ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે