મોરબીના જૂના ઘૂટું રોડે જાહેરમાં જુગાર રમતા બે શખ્સ ૪૨૦૦ ની રોકડ સાથે પકડાયા

મોરબી તાલુકાના ઘૂટું રોડ ઉપર આવેલ સિરામિક કારખાનાની સામેથી નીકળતી નદી પાસે મંદિર નજીક જાહેરમાં જુગાર રમતા હોવા અંગેની હકીકત મળી હતી જેના આધારે મોરબી તાલુકા પોલીસની ટીમ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી બે શખ્સો જુગાર રમતા મળી આવ્યા હોય પોલીસે ૪૨૦૦ ની રોકડ કબજે કરી તેની સામે મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે

બનાવની જાણવા મળતી માહિતી પ્રમાણે મોરબી તાલુકા પોલીસની ટીમ પેટ્રોલિંગમાં હતી ત્યારે મોરબીના જૂના ઘૂટું રોડ ઉપર આવેલ સીરામીક કારખાના સામે નદીના કાંઠે આવેલ મંદિર પાસે બાવળની જાળીમાં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સુરેશભાઈ સવજીભાઈ દેલવાણીયા જાતે રાવળદેવ (૪૮) રહે. સનાળા બાયપાસ આનંદનગર ડાયાભાઈની દુકાન પાસે મોરબી તથા રોહિતસિંહ બળવંતસિંહ જાડેજા જાતે દરબાર (૨૯) રહે. યોગીનગર મોરબી વાળા જુગાર રમતા મળી આવ્યા હોય પોલીસે તેની પાસેથી ૪૨૦૦ રૂપિયાની રોકડ કબજે કરી મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે

એક બોટલ દારૂ

મોરબીના બાઇપાસ રોડ ઉપર આવેલ દલવાડી સર્કલ પાસેથી પસાર થતી સેંટ્રો કાર નંબર જીજે ૧ એચએમ ૩૧૦૩ ને રોકીને પોલીસ દ્વારા ચેક કરવામાં આવી હતી ત્યારે કારમાં બેઠેલા શખ્સો પાસેથી દારૂની એક બોટલ મળી આવી હતી જેથી કરીને ૩૦૦ ની દારૂની બોટલ અને એક લાખની કાર આમ કુલ મળીને ૧૦૦૩૦૦ ના મુદ્દામાલ સાથે આરોપી રાહુલભાઈ વાછાભાઈ ગમારા જાતે ભરવાડ (૨૪) અને રોહિતભાઈ બચુભાઈ ડાંગર જાતે બોરીચા આહીર (૨૨) રહે. બંને લતીપર તાલુકો ધ્રોલ વાળાની ધરપકડ કરી તેની સામે મોરબી સીટી એ ડિવિઝન પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે