મોરબી જીલ્લા પંચાયતમાં ૨૮ મીએ ખાસ સામાન્ય સભા: જુદીજુદી સમિતિઓની રચના પણ કરાશે

મોરબી જીલ્લા પંચાયતમાં પ્રમુખના અધ્યક્ષ સ્થાને સામાન્ય સભાની ખાસ બેઠકનું આયોજન કરવામાં આવ્યું છે અને આગામી તા. ૨૮ ડીસેમ્બરને ગુરુવારે સવારે ૧૧: ૩૦ કલાકે સામાન્ય સભાની ખાસ બેઠક જીલ્લા પંચાયતના સભાખંડમાં યોજાશે

આ સામાન્ય સભાની બેઠકમાં ગત બેઠકની કાર્યવાહી અને ઠરાવોની અમલવારીને બહાલી, ગત તા. ૧/૧૧ ના રોજ મળેલ કારોબારી સમિતિની બેઠક મળી હતી જેની કાર્યવાહીને બહાલી, સદસ્ય તરફથી મળેલ કોઈ પ્રસ્તાવ સહિતના એજન્ડા લેવામાં આવેલ છે આ ઉપરાંત જીલ્લા પંચાયતની જુદીજુદી સમિતિઓની રચના કરવામાં આવશે અને સ્વ ભંડોળ વર્ષ ૨૦૨૩-૨૪ ના સામાન્ય સભાની બહાલીની અપેક્ષાએ આપેલ સૈદ્ધાંતિક મંજુરીના કામોને બહાલી, વહીવટી મંજુરી તેમજ ૧૫ માં નાણાપંચના વર્ષ ૨૦૨૨-૨૩ ના જીલ્લા કક્ષાના ૧૦ ટકાની ખૂટતી રકમના કામોના આયોજનને બહાલી આપવા સહિતના એજન્ડા આ ખાસ સામાન્ય સભામાં લેવામાં આવેલ છે