મોરબીમાં રોડ ઉપર પાણી ઢોળવા બાબતે મહિલાને માર મારીને જાનથી મારી નાખવાની ધમકી

મોરબીના વીસીપરામાં આવેલ અમરેલી રોડ ઉપર અંબાજી ટાઉનશીપ પાસે આરસીસી રોડ ઉપર પાણી ઢોળવો બાબતે પાડોશીઓ વચ્ચે બોલાચાલી થઈ હતી ત્યારે મહિલાને ગાળો આપીને છૂટા પથ્થરના ઘા કરીને માર મારવામાં આવ્યો હતો તેમજ મહિલાને જ્ઞાતિ પ્રત્યે અપમાનિત કરીને જાનથી મારી નાખવાની ધમકી આપી હતી જેથી કરીને ભોગ બનેલ મહિલા દ્વારા હાલમાં મોરબી બી ડિવિઝન પોલીસ સ્ટેશન ખાતે બે મહિલાઓની સામે ફરિયાદ નોંધાવવામાં આવતા પોલીસે એટ્રોસીટી સહિતની કલમ હેઠળ ગુનો નોંધ આરોપીઓને પકડવા માટે તજવીજ શરૂ કરેલ છે

બનાવની જાણવા મળતી માહિતી મુજબ મોરબીના વીસીપરા વિસ્તારની અંદર અમરેલી રોડ ઉપર અંબાજી ટાઉનશીપ સી-૪ માં રહેતા વર્ષાબેન દલપતભાઈ મકવાણા જાતે અનુ. જાતિ (૨૮)એ હાલમાં મોરબી બી ડિવિઝન પોલીસ સ્ટેશન ખાતે વિલાસબેન પાર્થભાઈ સોની અને મુન્નીબેન બાબુભાઈ રાજપુત રહે. બંને અંબાજી ટાઉનશિપ અમરેલી રોડ મોરબી વાળાની સામે ફરિયાદ નોંધાવી છે જેમાં તેને જણાવ્યુ છે કે, આરોપીઓ તેની પાડોશમાં રહે છે અને પોતાના ઘરની બહાર શેરીમાં આરસીસી રોડ ઉપર પાણી ઢોળતા ફરીયાદી મહિલાએ પાણી ઢોળવાની ના પાડી હતી જેથી કરીને આરોપીઓએ તેને ગાળો આપી હતી અને વિલાસબેને છૂટા પથ્થરનો ઘા કરી ફરિયાદી મહિલાને ડાબા હાથમાં ઇજા કરી હતી તેમજ ફરિયાદને જ્ઞાતિ પ્રત્યે હડધૂત કર્યા હતા અને જાનથી મારી નાખવાની ધમકી આપી હતી જેથી ભોગ બનેલ મહિલા દ્વારા સારવાર લીધા બાદ હાલમાં મોરબી બી ડિવિઝન પોલીસ સ્ટેશન ખાતે બે મહિલાઓની સામે ફરિયાદ નોંધાવવામાં આવી છે જેના આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે