મોરબીના ગાળા પાસે કારખાનામાં મશીનના બેલ્ટમાં હાથ આવી જતાં ઇજા પામેલા યુવાનનું મોત
SHARE
JOIN OUR GROUP
મોરબીના ગાળા પાસે કારખાનામાં મશીનના બેલ્ટમાં હાથ આવી જતાં ઇજા પામેલા યુવાનનું મોત
મોરબી નજીકના ગાળા ગામ પાસે આવેલ કારખાનામાં કામગીરી દરમિયાન મશીનના બેલ્ટમાં હાથ આવી ગયો હતો જેથી ઈજા પામેલ યુવાનને સારવાર માટે હોસ્પિટલે ખસેડવામાં આવ્યો હતો અને ત્યાં સારવાર દરમિયાન તે યુવાનનું મોત નીપજયું હતું જેથી કરીને અકસ્માત મૃત્યુના આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
બનાવી જાણવા મળતી માહિતી મુજબ મોરબી નજીકના ગાળા ગામ પાસે આવેલ સોલો ગ્રેસ કંપનીમાં રહેતો અને ત્યાં મજૂરી કામ કરતો રાજેન્દ્રકુમાર રામદાસ યાદવ (૧૯) નામનો યુવાન કારખાનામાં ગત તા. ૨૧/૧૦ ના રોજ મશીન ઉપર કામગીરી કરી રહ્યો હતો ત્યારે કોઈ કારણોસર મશીનના બેલ્ટમાં તેનો હાથ આવી જતા તે યુવાનને ઇજા થઈ હતી જેથી કરીને ઇજાગ્રસ્ત યુવાનને સારવાર માટે મોરબીના સનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને ત્યાં સારવાર દરમિયાન તેનું ગઈકાલે મોત નીપજયું હતું જેથી કરીને અકસ્માત મૃત્યુના આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની વધુ તપાસ મોરબી તાલુકા પોલીસ સ્ટેશનના વી.એસ. ડાંગર ચલાવી રહ્યા છે
અકસ્માતમાં ઇજા
મોરબી નજીકના મહેન્દ્રનગર ગામે રહેતા શોભનાબેન ગણેશભાઈ જાંબુકિયા (૨૩) નામની મહિલા તેના પતિના બાઈકમાં પાછળના ભાગે બેસીને માતાજીના મંદિરે જઈ રહ્યા હતા ત્યારે મોરબી નજીકના રફાળેશ્વર ગામ પાસે આવેલ દરિયાલાલ હોટલ નજીક રસ્તા ઉપર બાઈક સ્લીપ થઈ ગયું હતું જેથી કરીને અકસ્માતના બનાવમાં શોભનાબેનને ઇજાઓ થયો હોવાથી ઇજાગ્રસ્ત હાલતમાં સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરતાં પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની વધુ તપાસ મોરબી તાલુકા પોલીસ સ્ટેશનના એ.એમ. જાપડીયા ચલાવી રહ્યા છે
વાહન અસ્કમત
મોરબી નજીકના રવાપર પાસે રહેતા લક્ષ્મીબેન પરસોત્તમભાઈ પનારા (૮૩) રવાપર ગામે આવેલ ગોલ્ડન માર્કેટ પાસેથી પસાર થઈ રહ્યા હતા ત્યારે વાહન અકસ્માતના બનાવમાં ઈજા થઈ હતી જેથી સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપીને આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને વધુ તપાસ એચ.એમ. ચાવડા ચલાવી રહ્યા છે
