મોરબીમાં પત્નીના ફોનમાં ફોન કરનારા શખ્સને સમજાવા ગયેલા યુવાન ઉપર છરી વડે હુમલો

મોરબીના પંચાસર રોડ ઉપર આવેલ પ્રમુખસ્વામી સોસાયટીમાં રહેતા યુવાનની પત્નીને એક શખ્સ દ્વારા અવારનવાર ફોન ઉપર ફોન કરવામાં આવતા હતા. જેની તે યુવાનને જાણ થતાં તે ફોન કરનાર શખ્સને ફોન ન કરવા માટે કહ્યું હતું ત્યારે ફોન કરનાર શખ્સે પોતાની પાસે રહેલ છરી વડે તેના ઉપર હુમલો કર્યો હતો અને ડાબા ખભાના પાછળના ભાગે છરીના ઘા માર્યા હતા તેમજ ઢીકાપાટુનો માર મારીને ગાળો આપીને જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા સારવાર લીધા બાદ મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી પ્રમાણે મોરબીના પંચાસર રોડ પર આવેલ પ્રમુખસ્વામી સોસાયટીમાં રહેતા મનીષભાઈ મનસુખભાઈ સાણંદિયા જાતે પટેલ (૩૦)એ હાલમાં પ્રમુખસ્વામી સોસાયટીમાં જ રહેતા દીપભાઈ રાજેન્દ્રભાઈ ગોસાઈની સામે મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યૂ છે કે, આરોપી તેની પત્નીના ફોનમાં અવારનવાર ફોન કરતો હતો અને જે બાબતની તેને જાણ થતા તે આરોપીને ફોન ન કરવાનું કહ્યું હતું ત્યારે આરોપીએ ઉશ્કેરાઈ ગયો હતો અને તેની પાસે રહેલ છરી વડે તેના ફરિયાદી ઉપર હુમલો કર્યો હતો અને ફરિયાદીને ડાબા ખભ્ભાના પાછળના ભાગમાં છરીના ઘા માર્યા હતા અને ગાળો આપીને જાનથી મારી નાખવાની ધમકી આપી હતી જેથી કરીને ઈજા પામેલા યુવાનને સારવાર માટે હોસ્પિટલે ખસેડવામાં આવ્યો હતો અને ત્યારબાદ સારવાર લઈને તેણે મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે આરોપીને પકડવા માટે તજવીજ શરૂ કરેલ છે